İndiyədək AÇG-dən 545 milyon tona yaxın neft çıxarılıb
Dekabr 21
13:14
2021
"İstismara veriləndən indiyədək "Azəri-Çıraq-Günəşli” neft yataqlarından 545 milyon tona yaxın neft çıxarılıb”.
"Report”un xəbərinə görə, bunu energetika naziri Pərviz Şahbazov "Azərbaycanın inkişaf modeli: Dünən, bu gün və sabah” mövzusunda keçirilən konfransda deyib.
"Azərbaycan Dövlət Neft Şirkətinə (SOCAR) 49 milyon kubmetrdən çox səmt qazı verilib. Qaz satışından 155 milyard ABŞ dollarına yaxın gəlir əldə edilib”, - nazir vurğulayıb.
Qeyd edək ki, AÇG Azərbaycanın ən böyük neft yatağı blokudur. Yataqlar blokunun işlənməsi üzrə hasilat bölgüsünə dair ilk müqavilə 1994-cü ilin 20 sentyabr tarixində imzalanıb. 2017-ci ilin 14 sentyabr tarixində isə həmin yataqların birgə istismarına və hasilatın pay bölgüsünə dair yeni saziş imzalanıb. Bu saziş yataqların 2049-cu ilin sonunadək işlənməsini nəzərdə tutur.
AÇG yatağı fəaliyyətə 2001-ci ildən başlayıb.