"Yeganə günahım bayraqdakı ağaca yarpaq çəkməyim idi..."- Poeziya
Dekabr 17
22:01
2016
Laçın Nəcəfzadə Rusiyada yaşayan həmyerlimizdir. Əslən Qərbi Azərbaycandandır. Uzun zamandan bəri aktual mövzu və siyasi çalarda sərbəst şeirlər yazan Laçın Nəcəfzadənin şeirləri ilk dəfədir saytımızda dərc olunur. Laçın Nəcəfzadə ilə geniş müsahibəni yaxın günlərdə oxucularımıza təqdim edəcəyik.
İndi isə L. Nəcəfzadənin "Diapauza" şeirlər silsiləsində iki şeir parçasını təqdim edirik:
sənə görə sevirdim yarpaqsız ağacları
Sənə görə hər gün rəsmi xronikalara baxırdım
tam ciddiyətimlə
gözlərim yaxşı görsə də eynək taxırdım
qulaqlarım yaxşı eşitsə də stulumu televizora daha yaxın çəkirdim
dodaqlarımdan qopa biləcək
təbəssümü görməyəsən deyəçənəmi ovcuma alırdım
süzdüyün çay soyuyub zibilə dönürdü hər axşam
susurdum...diqqətini ayırmaq istəmirdim
illik hesabatlardanrəqəmlər beynimə
ürəyiməqaraciyərimə
mədəmə axırdı
qusurdum...
heç bunu da demirdim sənə
heç xəbərin də yoxuydu
pişiyimizin neçə bala doğduğundanmaşınımızın rəngini
modelini də dəyişmişdimsən isə
hər səhər işə gedəndə
benzin iyinin hardan gəldiyini soruşurdun
səni bu qədər sevirdim
səni bu qədər bağışlayırdımsən isə məni sevə bilmədin
sən isə məni bağışlaya bilmədinnə olardı...
yeganə günahım
bayraqdakı ağaca yarpaq çəkməyim idi...***
Yollara tökülmüş baxışlarının
üzərindən asfalt basdı "Azəryolservis"
bir az səbirli ol sevgilim
mən bilirəm
bunlar yol yoxbizimlə prinsip çəkirlər
sənin sevgi dolu baxışlarını məndən gizlədirlər
daha doğrusugizlətməyə çalışırlar
Amma bacarmayacaqlar...
Çünki bunların ürəklərində sevgi
təpərhünər olmadığı kimi
asfaltlarında da mastika yoxdu
Bir az səbirli ol sevgilim
bir qışlıqbir yaylıq demirəm
bir yağışlıq səbrin olsun sevgilim.
Qlobal.az
