SON XƏBƏR

"Sumqayıtlıların" polimer "sevgisi"

Avqust 18
00:03 2021
Azərbaycan MEA-nın Polimer Materialları İnstitutunun 2021-ci ilin avqust ayının 2-də bir sıra satınalmalara yekun vurub. 
 
Qlobal.az xəbər verir ki, Polimer Materialları İnstitutunun 5 lot üzrə sifarişçi olduğu satınalmaların ümumi məbləği 31.630 manat təşkil edir. 
 
Maraqlıdır ki, İnstitutun sifarişçi olduğu 5 lotun hamısının qalibi olan təşkilatların hüquqi ünvanı Sumqayıt şəhərində yerləşir. 
 

 
1. "Təsərrüfat mal-materialları alınması” lotu 
 
Qalib: "SƏRDABƏ" Məhdud Məsuliyyətli Cəmiyyəti 
 
Ünvanı: SUMQAYIT ŞƏHƏRİ, CORAT, ev 187A
 
Qanuni təmsilçisi: Məmmədov Fəxrəddin Abuzər oğlu
 
2. "Laboratoriyaya aid cihaz və avadanlıqların” alınması və "Katric və digər malların alınması” lotları 
 
Qalib: "ELEKTRO-S" Məhdud Məsuliyyətli Cəmiyyəti
 
Ünvanı: SUMQAYIT ŞƏHƏRİ, 10 MKR, ev 71A, m. 19
 
Qanuni təmsilçisi: İsmayılov Sabit Rəfail oğlu
 
3. "Tikinti və avadanlıqların cari təmiri üçün mal- materialların alınması” lotu
 
Qalib: "OPTİMAL COMPANY" Məhdud Məsuliyyətli Cəmiyyəti
 
Ünvanı: SUMQAYIT ŞƏHƏRİ, CORAT, ev 187A
 
Qanuni təmsilçisi: Məmmədov Fəxrəddin Abuzər oğlu
 
4. "Alət və avadanlıqların alınması” lotu
 
Qalib: "KASPİAN GOLD" Məhdud Məsuliyyətli Cəmiyyəti
 
Ünvanı: SUMQAYIT ŞƏHƏRİ, 5 MKR, ev 69, m. 13

Qanuni təmsilçisi: Əliyev Bəxtiyar Ziyad oğlu
 

 
Polimer Materialları İnstitutunun sifarişçi olduğu yuxarıda qeyd edilən satınalmalarında qalib elan edilən təşkilatların heç birinin fəaliyyəti, maddi-texniki bazası haqqında məlumat verilmir. 
 
İnstitutun iki lot üzrə sifarişçi olduğu satınalmanın qalibi elan edilən "OPTİMAL COMPANY" və "Sərdabə" MMC-lərin qanuni təmsilçisi Məmmədov Fəxrəddin Abuzər oğlunun onlarla MMC-nin sahibi olduğu barədə yerli mediada məlumatlar dərc edilib.
 
 
Polimer Materialları İnstitutunun direktoru Bəxtiyar Məmmədov
 
Qeyd edək ki, Polimer Materialları İnstitutu 1966-cı ildə yaradılıb. 1979-cu ildə Azərbaycan Elmlər Akademiyasının Xlor Üzvi Sintez İnstitutu kimi fəaliyyət göstərən qurum 1991-ci ildən indiyədək Polimer Materialları İnstitutu kimi fəaliyyət göstərir.
 
Polimer Materialları İnstitutunun direktoru AMEA-nın müxbir üzvü Bəxtiyar Məmmədovdur.
 
Qlobal.az



Oxşar xəbərlər

XƏBƏR LENTİ

Facebook