“Nar” Azərbaycanın bölgələrində İKT peşəkarlarını hazırlayır
İyun 06
21:40
2024
Sərfəli qiymətləri və sosial layihələri ilə
bölgələrə xüsusi diqqət göstərən "Nar” bu dəfə Gəncədə yerləşən Azərbaycan
Texnologiya Universitetində yüksək səviyyəli görüş keçirərək universitetlə ilk
əməkdaşlıq layihəsinə start verdi.
Uzunmüddətli əməkdaşlığı nəzərədə tutan anlaşma
memorandumu çərçivəsində reallaşan ilk layihə "Nar”ın texniki heyəti tərəfindən
texniki ixtisaslarda təhsil alan tələbələr üçün hazırlanan və keçirilən "Mobil
rabitənin əsasları” təlimi oldu. Qabaqcıl mobil texnologiyalara hakim olan
sənaye mütəxəssislərinin hazırlanması və onların ixtisasların uyğun karyera
qurması məqsədilə keçirilən təlim tələbələrə öz nəzəri biliklərini praktiki
təcrübə ilə zənginləşdirməyə imkan verir.
Qeyd edək ki, "Nar” və Azərbaycan Texnologiya
Universiteti bu ilin fevral ayında Anlaşma Memorandumu imzalayaraq telekom
sahəsinin peşəkarlarını hazırlamaq istiqamətində əməkdaşlığa başlayıb. Əməkdaşlığın
əsas məqsədi Azərbaycanın regionlarında da rabitə sənayesi və akademik təhsil
arasında körpü quraraq ölkənin rabitə peşəkarlarını hazırlamaqdır.
"Nar”ın həyata keçirdiyi sosial
layihələr haqqında ətraflı məlumatı operatorun rəsmi saytından (nar.az) əldə edə bilərsiniz.
Qlobal.az
