“Krım - Ukrayna üçün strateji hədəfdir” – Müdafiə naziri
İyun 17
11:08
2022
Yarımada - bizim ölkəmizin strateji hədəfidir, amma ordu plana uyğun olaraq hərəkət edəcək.
ABŞ-dan və digər müttəfiqlərdən gələn yeni silahlar Ukraynaya imkan yaradacaq ki, Krım da daxil olmaqla, bütün işğal olunmuş əraziləri geri qaytarsın. Artıq bizim ölkəmizin əlində atılacaq addımların siyahısı var, onlar yeni hərbi kömək partiyası gələn zaman realizə olunacaq.
«Biz, bütün ərazilərimizi, Krım da daxil olmaqla, azad etmək istəyirik. Krım - Ukrayna üçün strateji hədəfdir, çünki bu, Ukrayna ərazisidir. Amma addım-addım hərəkət edəcəyik» - Reznikov bəyan edib.
Müdafiə nazirinin sözlərinə görə, Ukrayna müdafiəçilərinin gələcək fəaliyyəti yeni silah tədarüklərindən sonra 3 mərhələyə bölünəcək. Birinci mərhələdə cəbhədə situasiyanı sabitləşdirmək məsələsi gəlir ki, Rusiya ordusuna qarşı döyüşlərdə itkilərin qarşısı alınsın.
İkinci addım - bu, işğalçıların 24 fevraldakı sərhədlərə sıxışdırılmasıdır ki, həmin tarixdə Rusiya tammiqyaslı işğala başlayıb. Üçüncü mərhələdə isə Ukraynanın həmkarları ilə birlikdə, Krım da daxil olmaqla, ərazilərin azad edilməsi müzakirə olunacaq.
Jurnalist Reznikovdan soruşub ki, ola bilərmi ki, yarımadanın hərbi yolla geri qaytarılması cəhdləri göstərilsin? Nazir cavab verib ki, bu suala baxılmır.
