SON XƏBƏR

Fuad Muradovun həbs edildiyi deyilir (Yenilənib)

Sentyabr 13
18:07 2021
"Milli Fədailər Hərəkatı”nın qurucusu Fuad Muradov saxlanılıb.

Qaynarinfo xəbər verir ki, bu barədə tanınmış hüquqşünas Aslan İsmayılov məlumat yayıb. Hüquqşünasın yaydığı məlumatı olduğu kimi təqdim edirik:

"Uzun müddətdir ki, sosial şəbəkələrdə ictimai aktiv şəxsləri küçə söyüşləri ilə təhqir edib əxlaqsızlıqda bütün əndazələri aşan saxta "fədai” Fuad Muradov haqqında qanuni tədbirlərin görülməsi üçün 10 sentyarda Azərbaycan Respublikasının Daxili İşlər Nazirliyinə müraciət edib, ərizəni də olduğu kimi burada paylaşmışdım.

Bu gün ərizə ilə bağlı DİN-nin Baş Mütəşəkkil Cinayətkarlıqla Mübarizə İdarəsinə dəvət edildim və sübutlarımı təqdim etdim. Ərizə üzrə araşdırma davam edir. F.Muradov şübhəli şəxs kimi saxlanılıb və hal-hazırda adıçəkilən idarədədir. 

Ona görə də mənə F.Muradovun qanunsuzluqları ilə bağlı müraciət edən şəxslərdən xahiş edirəm ki, həmin idarəyə müraciət edib sübutlarını təqdim etsinlər”.
 
***
 
Daxili İşlər Nazirliyinin mətbuat xidmətindən Lent.az-a bildirilib ki, hüquqşünas Aslan İsmayılovun müraciəti əsasında Furad Muradov polisə dəvət olunub: "Onun izahatı alınıb və sərbəst buraxılıb. Hazırda həmin müraciət əsasında araşdırmalar davam etdirilir”.




Oxşar xəbərlər

XƏBƏR LENTİ

Facebook