SON XƏBƏR

FHN-nin təsdiqlədiyi ölüm faktı saxta çıxdı - Təfərrüat

İyun 04
12:46 2022
Daxili İşlər Nazirliyi Sabirabad rayonunun Ətcələr kəndi ərazisində rayonun Sarvan kənd sakini Rafət Qəniyevin avtomobildə yanaraq ölməsi barədə məlumatın saxta olduğunu müəyyənləşdirib.

Bu barədə DİN-in Mətbuat Xidmətindən məlumat verilib.

Bildirilib ki, 2021-ci il noyabrın 25-də Sabirabad rayonunun Ətcələr kəndi ərazisində Sarvan kənd sakini Rafət Qəniyevə məxsus "KİA” markalı avtomobilinin yanması və onun tam yanmış meyitinin tapılması ilə əlaqədar həyata keçirilən əməliyyat və istintaq tədbirləri ilə R.Qəniyevin direktoru olduğu "Kaspian İnşaat MB” MTK-ya məxsus mənzilləri dələduzluq yolu ilə müxtəlif şəxslərə satdığına görə barəsində araşdırmalar aparıldığından avtomobilə mənşəyi tam bilinməyən sümükləri qoyaraq qəsdən yandırması və özünü ölmüş kimi qələmə verməsi müəyyən olunub.

R.Qəniyev paytaxtın Yasamal rayonu ərazisində saxlanılıb.
 
***
 
Qlobal.az xəbər verir ki, sosial şəbəkələrdə yayılan məlumatda Rafət Əliyev hadisə zamanı avtomobilinə ölmüş itin sümüklərini yerləşdirdiyi barədə iddialar yer alır.
 
Qeyd edək ki, o zaman Fövqaladə Hallar Nazirliyinin Tibb Xidməti yaydığı açıqlamada ölüm faktını təsdiqləmişdi:
 

 

 
Qlobal.az



Oxşar xəbərlər

XƏBƏR LENTİ

Facebook