SON XƏBƏR

Əbülfəz Məlikov güc göstərir? – Müdafiəsi üçün Bakıya əcnəbi vəkillər gətizdirib

Avqust 19
11:50 2022
"Gömrük işi” ilə ilə bağlı həbs edilən monopolist, "Broker” MMC-nin rəhbəri Əbülfəz Məlikovla bağlı yeni detallar ortaya çıxıb.

Səbail rayon məhkəməsinin qərarı ilə barəsində 2 aylıq həbs qətimkan tədbiri seçilən Əbülfəz Məlikov özünü müdafiə etmək üçün Avropada və Gürcüstanda olan əcnəbi vəkillərini Bakıya gətizdirib. Vəkillər qarşısında qoyulan tələb Məlikovun ilk məhkəmə prosessində azadlığa çıxmasını təmin etməkdir. Monopolist bununla da daha güclü olduğunu bir daha isbatlamaq niyyətindədir.

Məlumata görə, Məlikovun ikili vətəndaşlığı da mövcuddur. Onun ABŞ vətəndaşı olduğu deyilir.

Əbülfəz Məlikovun yaxın adamları qısa müddətdə monopolistin azadlığa buraxılmasına çalışırlar. Hazırda vəkillər Məlikovun dövlətdən oğurladığı milyonların, bəlkə də milyardların geri qaytarılması yollarını öyrənir. Bu məbləğin geri ödənilməsini monopolist üçün adi bir hal hesab edirlər.

Onun sərvətinin dəyəri bir neçə milyard manata yaxındır.

Qeyd edək ki, Əbülfəz Məlikov illər ərzində müxtəlif adamların adına yaratdığı saxta şirkətlər vasitəsi ilə apardığı maliyyə əməliyyatları ilə dövlət büdcəsinə milyonlarla manat vergi və gömrük ödəmələrindən yayınmaqda və vəzifə saxtakarlıqlarında ittiham olunur. Onun "gömrük monopoliyaları”, "Broker” şəbəkə maxenasiyaları, saxta nağdlaşdırma şirkətləri barədə ölkə mətbuat illərlə yazıb. (Bizimxeber.az)



Oxşar xəbərlər

XƏBƏR LENTİ

Facebook