DİN qəza törədən “Range-Rover”lə bağlı açıqlama verdi: - sükan arxasında maşının sahibi olmayıb
İyun 14
11:38
2021
Daxili İşlər Nazirliyi (DİN) Novxanı-Sumqayıt yolunda "Range-Rover”in iştirakı ilə baş verən qəza ilə bağlı məlumat açıqlayıb.
DİN-in mətbat xidmətinin rəisi, polis polkovniki Ehsan Zahidov Modern.az-a açıqlamasında deyib ki, hadisə gecə saat 1 radələrində Novxanı bağlar sahəsində qeydə alınıb:
"Abşeron rayon sakini Ələsgər Əliyevin idarə etdiyi "Range-Rover” markalı avtomobil və Bakı şəhər sakini Murad Ziyadovun idarə etdiyi "Daewoo Damas” markalı avtomobil toqquşub. Nəticədə "Daewoo Damas”ın sürücüsü və sərnişinləri paytaxt sakinləri - Kamran Əhmədov, Elman Şıxəliyev və Tovuz rayon sakini Yunis Mürsəlov hadisə yerində ölüb.
"Range-Rover”in sürücüsü Ələsgər Əliyev və avtomobilin sahibi, sərnişin Elşad Kərbalayev xəstəxanada tibbi yardım göstərildikdən sonra Binəqədi rayon Polis İdarəsinə aparılıblar”.
Polis rəisi hazırda rayon polis idarəsi tərəfindən araşdırmalar aparıldığını vurğulayıb.
Qlobal.az