Azərbaycanda özəl orta məktəblərdə əyani tədris dayandırılıb - RƏSMİ AÇIQLAMA
Sentyabr 06
13:00
2021
Azərbaycanda sentyabrın 1-dən beynəlxalq özəl orta təhsil müəssislərində dərslər əyani şəkildə başlasa da, sonradan dayandırılıb.
Qlobal.az APA-ya istinadən xəbər verir ki, dərslər sentyabrın 3-dək davam edib.
Sentyabrın 3-də Təhsil Nazirliyi tərəfindən məktəblərdə ənənəvi tədrisin dayandırılması, dərslərin Nazirlər Kabineti yanında Operativ Qərargahın qərarına qədər onlayn keçirilə biləcəyi barədə təlimat göndərilib.
Məsələ ilə bağlı Təhsil Nazirliyinin İctimaiyyətlə əlaqələr sektorunun müdiri Cəsarət Valehov APA-ya bildirib ki, özəl və dövlət orta təhsil müəssisələrində tədris eyni qaydada olmalıdır:
"Bu səbəbdən də Təhsil Nazirliyi tərəfindən müvafiq göstəriş verilib ki, özəl məktəblərin ənənəvi qaydada fəaliyyətə başlaması mümkün deyil. Bütün məktəblər üçün qaydalar eyni olmalıdır”.