Azərbaycanda Kimyəvi Silahları Məhvetmə Komissiyası yaradılır
Aprel 28
13:31
2021
Azərbaycan ərazisində aşkarlanan kimyəvi silahın məhv edilmə qaydası müəyyənləşib.
"Report”un xəbərinə görə, ölkə ərazisində aşkarlanan bütün növ kimyəvi silahlar Konvensiyada nəzərdə tutulan hallarda və Konvensiyaya uyğun olaraq bu Qayda (Nazirlər Kabineti "Azərbaycan Respublikasının ərazisində aşkarlanan kimyəvi silahın məhv edilməsi Qaydası”) ilə müəyyən edilmiş qaydada məhv olunacaq.
Dövlət Təhlükəsizliyi Xidməti tərəfindən Fövqəladə Hallar Nazirliyinin, Xarici İşlər Nazirliyinin, Müdafiə Nazirliyinin, Müdafiə Sənayesi Nazirliyinin, Ekologiya və Təbii Sərvətlər Nazirliyinin, Səhiyyə Nazirliyinin, Dövlət Gömrük Komitəsinin, Dövlət Sərhəd Xidmətinin və Dövlət Təhlükəsizliyi Xidmətinin nümayəndələrindən ibarət tərkibdə Komissiya formalaşdırılır.