Qlobal

Hər bir xalqın ən böyük və ən müqəddəs neməti sahib olduğu müstəqil dövlətidir. Azadlıq eşqi ilə müstəqillik uğrunda şərəfli mübarizə aparan xalqımız xoşbəxtdir ki, bu gün onun Azərbaycan kimi iqtisadi və siyasi qüdrətə malik dövləti var. Bizim xalqımız Azərbaycan Respublikasının müstəqilliyi uğrunda minlərlə vətənpərvər övladlarını şəhid verib. Bu gün suveren Azərbaycan Respublikasının iqtisadi və sosial qüdrəti onun uğrunda şəhid olan əbədiyaşar övladlarının ruhuna oxunan ən müqəddəs duadır!
 
Xatırladım ki, 1992-ci ildə respublikanın müharibə şəraitində olmasına baxmayaraq mərkəzi hakimiyyətdə siyasi postlar uğrunda mübarizələr gedirdi. Əlbəttə ki, o vaxt hakimiyyətdə təmsil olunan bu səriştəsiz qüvvələr öz siyasi maraqları naminə imkan verməzdilər ki, xalqı və dövləti böhrandan xilas edəcək yeni siyasi qüvvə meydana gəlsin. Ona görə də bütün vasitələrlə xalqın tələbindən yaranan yeni siyasi partiyanın yaranmağına maneçilik törədirdilər.
 
Ulu Öndər Heydər Əliyevin memarı olduğu Yeni Azərbaycan Partiyasının təsis konfransı cəmiyyətin bütün təbəqələrini təmsil edən 500-dən çox nümayəndənin iştirakı ilə 21 noyabr 1992-ci ildə Naxçıvanda keçirildi və Ulu Öndər yekdilliklə partiyanın sədri seçildi. Və bununla da Azərbaycanın siyasi arenasında onu siyasi xaosdan xilas edəcək, iqtisadi tərəqqiyə yüksəldəcək, cəmiyyəti vahid qüvvə olaraq dövlətçilik prinsipləri ətrafında cəmləyəcək partiya meydana gəldi.
Ulu Öndər Heydər Əliyev və xalqın harayı
İlham Əliyev cənablarının respublikaya rəhbərlik etdiyi dövrdən başlayaraq dövlətin hərbi potensialı daha da inkişaf etdirildi. Bu gün Azərbaycan Qafqazın ən qüdrətli ordusuna malik olmaqla yanaşı həm də hərbi istehsala malik dövlətdir. Respublika Prezidenti İlham Əliyev cənablarının təşəbbüsü və qətiyyəti ilə yaradılan hərbi sənaye komplekslərimizdə istehsal olunan silah- sursatlar silahlı qüvvələrimizin istifadəsinə verilməklə bərabər həm də dünya bazarlarına çıxarılır. Son illər ölkədə idmanın inkişafı, səhiyyə və təhsilə aid yeni komplekslərin tikilməsi, təmir olunması, müasir standartlara cavab verən zavod- fabriklərin istifadəyə verilməsi Respublika Prezidenti İlham Əliyev cənablarının apardığı məqsədyönlü siyasətin bariz nümunəsidir. Əlbəttə ki, ölkəmizdə sosial layihələrin həyata keçirilməsində Heydər Əliyev Fondunun prezidenti, millət vəkili Mehriban xanım Əliyevanın da əvəzsiz xidmətləri vardır. Heydər Əliyev Fondunun prezidenti, birinci xanım Mehriban Əliyevanın və Fondun vitse- prezidenti Leyla Əliyevanın Azərbaycan mədəniyyətinin təbliği istiqamətində dünyada gördükləri işlərin nəticəsi olaraq bu gün Azərbaycan iqtisadi və siyasi qüdrətindən əlavə olaraq mədəni səviyyəsi ilə də dünyanın marağını cəzb etməkdədir. Musiqimizi, xüsusən muğamı dünya xalqlarına tanıtmaqla yanaşı Heydər Əliyev Fondu mədəniyyətimizin digər sahələrinin inkişafına da töhvə verməkdədir.