YAP Şuşa rayon təşkilatının nümayəndələri şəhid Arəstə Baxışovanın ailəsini ziyarət ediblər - FOTO
Aprel 07
09:00
2022
Yeni Azərbaycan Partiyası Şuşa rayon təşkilatının bir qrup fəalı Vətən müharibəsinin tək qadın şəhidi Arəstə Baxışovanın ailəsini ziyarət ediblər.
Ziyarətçilər şəhidin ailəsinin qayğı və problemləri ilə maraqlanıb, Arəstə Baxışovanın keçdiyi şanlı Zəfər yolundan da söhbət açıblar.
Xatırladaq ki, Arəstə Kərim qızı Baxışova 4 may 1989-cu ildə Xaçmaz şəhərində doğulub.
Arəstə Baxışova 1995-2004-cü illərdə Biləcəri qəsəbəsində yerləşən Şuşa şəhər 3 nömrəli tam orta məktəbdə təhsil alıb. 2004-2008-ci illərdə isə Azərbaycan Dövlət Pedaqoji Kollecində "İngilis dili” üzrə təhsil alıb.
2018-2019-cu illərdə Azərbaycan Silahlı Qüvvələrinin Baş Hərbi Hospitalında tibbi statist olaraq çalışıb. 2019-cu il iyulun 12-dən isə Azərbaycan Silahlı Qüvvələrinin "N” saylı hərbi hissəsində operator vəzifəsində xidmət edib.
Arəstə Baxışova Vətən müharibəsi zamanı Füzulinin, Zəngilanın və Qubadlının azadlığı uğrunda gedən döyüşlərdə yaralı hərbçilərə döyüş meydanında tibbi yardım göstərib. O, 23 oktyabr tarixində Qubadlının azadlığı uğrunda gedən döyüşlərdə şəhid olub. Biləcəri qəsəbəsinin Şəhidlər xiyabanında dəfn olunub.
