"Trampı yalnız mən məğlub edə bilərəm" - Kiçik Kennedi
![](https://qlobal.az/photo/680x365/2024-07/1721627478_4c2afe9e-d132-4728-9fd5-91f04ae9b1fa.jpg?1725751696)
İyul 22
09:49
2024
ABŞ prezident seçkilərində müstəqil namizəd kimi iştirak edən kiçik Robert Kennedi yalnız özünün Respublikaçılar Partiyasının namizədi Donald Trampı məğlub edə biləcəyini bildirib.
APA xəbər verir ki, siyasətçi ABŞ-ın hazırda vətəndaş müharibəsindən bəri hər zaman olduğundan daha çox qütbləşdiyini düşünür.
Qeyd edək ki, Robert Kennedi ABŞ-ın sui-qəsdə uğrayaraq öldürülən 35-ci prezidenti Con Kennedinin qardaşı oğludur.
"Associated Press" tərəfindən yayımlanan mətbuat konfransında jurnalistlərin suallarını cavablandıran Kennedi "Donald Trampa qalib gələ biləcək başqa namizəd yoxdur. Mən bu seçkidə qalib gələ biləcəyimə inanıram", - deyə bildirib.
O, hazırki prezident Co Baydenin seçiləcəyi təqdirdə vəziyyətin daha da qarışıq, sabiq prezident Tramp seçiləcəyi təqdirdə isə daha da pisləşəcəyini bildirib.