Telekanal Qarabağ əlilinin etirazını necə saxtalaşdırdı?- Video
Dekabr 17
00:02
2016
Tanınmış blogger Mehman Hüseynov məmur özbaşınalığına etiraz olaraq maşını yandıran Qax rayon sakini, Qarabağ qazisi Bəxtiyar Bayramovun hərəkətini ARB kanalının təqdimatını analiz edib. 24saat.org saytı həmin videonu təqdim edir:
Xatırladaq ki, Baş Dövlət Yol Polisi İdarəsinin şöbə rəisi Kamran Əliyev Ölkə.Az-a açıqlamasında bildirib ki, sözügedən şəxs avtomobili sürücülük vəsiqəsi olmadan idarə etdiyinə görə cərimə olunub:
Xatırladaq ki, Baş Dövlət Yol Polisi İdarəsinin şöbə rəisi Kamran Əliyev Ölkə.Az-a açıqlamasında bildirib ki, sözügedən şəxs avtomobili sürücülük vəsiqəsi olmadan idarə etdiyinə görə cərimə olunub:
"Nə avtomobili, nə də sürücülük hüququ onun əlindən alınmayıb. Çünki sürücülük vəsiqəsi yoxdur. Bu ilin yayında nəqliyyat vasitəsini idarə etmək hüququ olmadan yol-nəqliyyat hadisəsi törətdiyinə görə Qax Rayon Məhkəməsi tərəfindən 400 manat cərimə olunması barədə qərar çıxarılıb. Cəriməni vaxtında ödəmədiyinə görə həmin məbləğin üzərinə də dəbbə gəlib. Dəbbə pulu ilə birlikdə 640 manat məbləğ təşkil edib. Vətəndaşın hansı səbəbdən avtomobilini yandırdığını deyə bilmərəm.
Bizim Qarabağ müharibəsi iştirakçılarına, veteranlarına, xüsusilə də əlillərə böyük hörmətimiz var. Amma Qarabağ əlili də düzgün hərəkət etməyib. Yol kənarında avtomobilə od vurmaqla digər hərəkət iştirakçılarının da həyatını təhlükədə qoyub. O avtomobil yanan vaxt istənilən an partlayışa səbəb ola bilərdi.
Onun partlaması nəticəsində digər insanlar da xəsarət ala bilərdilər. Məsələ burasındadır ki, həmin şəxs məhkəmənin qərarıyla sürücülük hüququ olmadığına görə cərimə olunub. Məhkəmənin qərarı onda icra olunur ki, rəsmi qaydada həmin qərar yol polisinə daxil olsun. Bunu sivil formada da həll etmək olardı. Sadəcə, məhkəmənin qərarını gözləmək lazım idi”.
Xatırladaq ki, B.Bayramov idarə etdiyi 16-BA-253 dövlət qeydiyyat nömrə nişanlı "VAZ 2109” markalı avtomobilini yandırıb və bunu yol polisinin ona qarşı haqsızlığıyla əlaqələndirib. Qarabağ qazisi həmçinin Qax rayon DYP-nin rəisi Ayaz Məmmədovu və əməkdaşlarını rüşvətdə ittiham edib.
Qlobal.az
