ÜST alkoqollu və tərkibində şəkər olan içkilərə vergilərin artırılmasını tövsiyə edir
![](https://qlobal.az/photo/680x365/2023-12/1701820022_64c74a2b-7de9-4f67-acb4-c93ade723998.jpg?1725752589)
Dekabr 06
03:46
2023
Ümumdünya Səhiyyə Təşkilatı (ÜST) əksər ölkələrin sağlam həyat tərzinin təbliği üçün vergi mexanizmlərindən düzgün şəkildə istifadə etmədiyini müəyyənləşdirib, alkoqollu və tərkibində şəkər olan içkilərə vergilərin artırılmasına çağırıb.
"Report” xəbər verir ki, bu barədə qurumun məlumatında deyilir.
Ümumilikdə hər il dünyada 2,6 milyon insan alkoqoldan, 8 milyondan çox insan isə qeyri-sağlam qidalanmadan ölür.
ÜST-nin qeyd etdiyi kimi, 108 ölkə tərkibində şəkər olan içkilərin müəyyən növlərinə vergi qoyub. Azı 148 ölkə milli səviyyədə spirtli içkilərə aksiz vergisi tətbiq edib. Eyni zamanda, azı 22 ölkədə şərab aksiz vergisindən azaddır ki, onların da əksəriyyəti Avropa qitəsindədir. Dünyada ən çox satılan pivə brendinin qiymətində orta hesabla aksiz vergisinin payı 17,2 % təşkil edir.
Təşkilat 2017-ci ildə apardığı araşdırmanı xatırladıb: "Alkoqol qiymətlərinin 50 % artırılması 50 il ərzində 21 milyondan çox ölümün qarşısını alacaq və təxminən 17 trilyon dollar əlavə gəlir əldə ediləcək.