SON XƏBƏR

““Sirab”ın Vasif Talıbova zərrə qədər də aidiyyatı yoxdur” – İdarə Heyətinin sədri

Dekabr 29
11:35 2022
"Son günlər bəzi saytlarda "SİRAB"ın guya Vasif Talıbova məxsus olması və "SİRAB” sularının satışının da V.Talıbovun "Gəmiqaya” şirkəti tərəfindən həyata keçirildiyinə dair yayılan fikirlərin heç bir əsası yoxdur və cəfəngiyyatdan başqa bir şey deyil”.

Bunları Babək "SİRAB" ASC-nin İdarə Heyətinin sədri Namiq Novruzov mövzu ilə əlaqədar verdiyi açıqlamasında deyib.

"SİRAB" haqqında ortaya atılan bu kimi reallıqdan uzaq ittihamların mediada yer almasından təəssüfləndiyini bildirən N.Novruzov qeyd edib ki, zaman-zaman qərəzli şəkildə "SİRAB” haqqında bu səpgili yazılar və məlumatlar yayılsa da, həmin xəbərlərin gerçəyi əks etdirmədiyi tez bir zamanda üzə çıxıb, cəmiyyətdə süni şəkildə yaradılmış çaşqınlığa son qoyulub: "Lakin qeyd etdiyim kimi, bu gün də bizi kimlərəsə bağlamaq, saxta iddialarla suçlamaq cəhdləri müşahidə edilir”.

Babək "Sirab” ASC-nin səhmdarların təsis etdiyi Açıq Səhmdar Cəmiyyət olduğunu və istehsal etdiyi "Sirab” sularının satışının da Cəmiyyətin özünün satış kollektivi tərəfindən həyata keçirildiyini vurğulayan İH sədri, 1950-ci illərdən sənaye məqsədilə istifadəsinə başlanılan və 1968-ci ildə Azərbaycanın ən böyük mineral sudoldurma zavodu olaraq istifadəyə verilən "SİRAB”ın Sovet İttifaqının dağılmasından sonra fəaliyyətini tamamilə dayandırdığını, baxımsızlıqdan istifadəyə yararsız vəziyyətə düşdüyünü xatırladıb: "Lakin ümummilli liderimiz Heydər Əliyevin Azərbaycanda sahibkarlığa göstərdiyi qayğı sayəsində 2003-cü ildə "Sirab” mineral sular zavodu Açıq Səhmdar Cəmiyyətinə çevrildi, növbəti illərdə dövlətin ayırdığı güzəştli kreditlərin və təsisçilərin öz hesabına şirkət daha da inkişaf etdi. Səhmdarların və "SİRAB” kollektivinin 20 illik əzmkar və yorulmaz fəaliyyəti sayəsində "SİRAB” bu gün ölkənin milli su brendi, Azərbaycanımızın nümunəvi və xalqın dəstəyini qazanmış sahibkarlıq subyektidir. "SİRAB” çoxsaylı Naxçıvan sakininin əmək haqqı qazandığı bir ünvandır. Bir çox ölkəyə ixrac həyata keçirən "SİRAB” bundan sonra da qətiyyətlə fəaliyyət göstərəcək, Azərbaycanın adını ölkə hüdudlarından kənarlarda da ləyaqətlə təmsil edəcəkdir”.


Oxşar xəbərlər

XƏBƏR LENTİ

Facebook