Salyan rayonunda referenduma hazırlıq işləri tamamlanmaq üzrədir
Avqust 31
09:47
2016
Sentyabrın
26-da keçiriləcək ümumxalq
səsverməsi- referendumla bağlı 59
saylı Salyan
və 60 saylı Salyan- Neftçala seçki dairəsi dairə seçki komissiyaları və onların əhatə etdiyi məntəqə seçki
komissiyaları tərəfindən aparılan hazırlıq işləri uğurla davam etdirilir.
Qlobal.az xəbər verir ki, referendumun tam şəffaf və
demokratik şəraitdə keçirilməsi üçün seçki məntəqələri lazımi texniki
avadanlıqlar və metodiki vəsaitlərlə, fasiləsiz rabitə və elektrik sistemi ilə
təchiz olunub. Səsvermə kabinələri quraşdırılıb, seçki qutuları və lazımi
inventar avadanlıqlar gətirilib, seçici siyahıları və məlumat lövhələri asılıb.
Hazırda referendumun keçirilmə vaxtı və seçki məntəqələrinin yeri barədə bildirişlər
yazılır və yaxın günlərdə seçicilərə paylanılacaq.
Bundan əlavə, dairə seçki
komissiyaları tərəfindən yerli müşahidəçilərin qeydiyyatı da aparılır.
59 saylı Salyan seçki dairəsinin sədri
Səlamət Kərimovun Qlobal.az-a verdiyi məlumata görə, bu dairədə 40 seçki
məntəqəsi üzrə 38422 seçici qeydiyyatdadır.
60 saylı Salyan- Neftçala seçki
dairəsində isə DSK-nın sədri Fuad Muradovun məlumatına görə, 39 seçki
məntəqəsi üzrə 38022 seçici qeydiyyatdadır.
Qeyd edək ki, avqustun 22-dən 24-dək 59
saylı Salyan və 60 saylı Salyan- Neftçala seçki dairəsi dairə seçki komissiyalarının
üzvləri və məntəqə seçki komissiyalarının sədrləri üçün referendumla bağlı
ixtisaslaşdırılmış kurslar təşkil edilib. Bu günlərdə isə məntəqə seçki
komissiyalarının üzvləri üçün maarifləndirmə xarakterli kursların təşkili
planlaşdırılır.
Qlobal.az
