“Rusiya Hava Yolları” istifadə olunan bütün xarici təyyarələri Rusiya reyestrinə keçirdi
Mart 30
13:36
2022
"Rusiya Hava Yolları” (RHY) istifadədə olan 125 təyyarənin hamısını Rusiya reyestrinə keçirib.
Qaynarinfo xəbər verir ki, bu barədə TASS aviaşirkətin mətbuat xidmətinə istinadən məlumat yayıb.
RHY vurğulayıb ki, təyyarələrin Rusiya Federasiyasının yurisdiksiyasına verilməsi ilə bağlı bütün prosedurlar Rusiya aviasiya qanunvericiliyinə uyğun olaraq həyata keçirilir. Rusiyanın uçuşa yararlılıq sertifikatlarının alınması aviadaşıyıcıya ölkənin ucqar regionları ilə hava əlaqəsi üçün xarici istehsal olan təyyarələrdən istifadəni davam etdirməyə imkan verəcək.
Aviaşirkətin məlumatına görə, "Rusiya” Airbus A319/320, həmçinin Boeing 737, 777 və 747 təyyarələrinə malikdir.
Xatırladaq ki, Ukraynaya qarşı hərbi əməliyyata başlayandan sonra Avropa İttifaqının Rusiyaya qarşı tətbiq etdiyi sanksiyalar Rusiyanın aviasiya sənayesinə də təsir edib. Xüsusilə, Aİ təyyarələrin və təyyarə hissələrinin yeni tədarükünü, həmçinin təyyarələrə texniki qulluq və sığortanı qadağan edib. İcarəyə götürülmüş təyyarələrin bu ayın sonuna kimi icarəyə verənə qaytarılması tələb olunurdu, bundan sonra Rusiya aviadaşıyıcıları xaricdə təyyarələrin həbsi ilə üzləşiblər - 1367 təyyarədən 78-i həbs edilib.
Rusiya Federal Hava Nəqliyyatı Agentliyi icarəyə götürülmüş təyyarələri olan aviaşirkətləri beynəlxalq uçuşları dayandırmağa çağırıb və hökumət onlara olan hüquqların qeydiyyata alınması təklifi ilə çıxış edib ki, bu da səlahiyyətlilərə görə, xarici təyyarələrdən ölkə daxilində uçuşlar üçün istifadəyə icazə verəcək.
Qaynarinfo xəbər verir ki, bu barədə TASS aviaşirkətin mətbuat xidmətinə istinadən məlumat yayıb.
RHY vurğulayıb ki, təyyarələrin Rusiya Federasiyasının yurisdiksiyasına verilməsi ilə bağlı bütün prosedurlar Rusiya aviasiya qanunvericiliyinə uyğun olaraq həyata keçirilir. Rusiyanın uçuşa yararlılıq sertifikatlarının alınması aviadaşıyıcıya ölkənin ucqar regionları ilə hava əlaqəsi üçün xarici istehsal olan təyyarələrdən istifadəni davam etdirməyə imkan verəcək.
Aviaşirkətin məlumatına görə, "Rusiya” Airbus A319/320, həmçinin Boeing 737, 777 və 747 təyyarələrinə malikdir.
Xatırladaq ki, Ukraynaya qarşı hərbi əməliyyata başlayandan sonra Avropa İttifaqının Rusiyaya qarşı tətbiq etdiyi sanksiyalar Rusiyanın aviasiya sənayesinə də təsir edib. Xüsusilə, Aİ təyyarələrin və təyyarə hissələrinin yeni tədarükünü, həmçinin təyyarələrə texniki qulluq və sığortanı qadağan edib. İcarəyə götürülmüş təyyarələrin bu ayın sonuna kimi icarəyə verənə qaytarılması tələb olunurdu, bundan sonra Rusiya aviadaşıyıcıları xaricdə təyyarələrin həbsi ilə üzləşiblər - 1367 təyyarədən 78-i həbs edilib.
Rusiya Federal Hava Nəqliyyatı Agentliyi icarəyə götürülmüş təyyarələri olan aviaşirkətləri beynəlxalq uçuşları dayandırmağa çağırıb və hökumət onlara olan hüquqların qeydiyyata alınması təklifi ilə çıxış edib ki, bu da səlahiyyətlilərə görə, xarici təyyarələrdən ölkə daxilində uçuşlar üçün istifadəyə icazə verəcək.
