Qazaxın 4 kəndinin Azərbaycana qaytarılmasından bir il ötür

SON XƏBƏR

Düşənbədə Azərbaycan və Rusiya prezidentlərinin təkbətək görüşü keçirildiOktyabrın 9-da Düşənbədə Azərbaycan Respublikasının Prezidenti İlham Əliyevin Rusiya Federasiyasının Prezidenti Vladimir Putin ilə təkbətək görüşü olub. Qlobal.az xəbər verir ki, bununla bağlı Prez..
Prezident Tacikistana səfərə getdiAzərbaycan Respublikasının Prezidenti İlham Əliyev Tacikistan Respublikasının Prezidenti Emoməli Rəhmonun dəvəti ilə MDB Dövlət Başçıları Şurasının iclasında iştirak etmək üçün oktyabrın 9-da Düşənbəy..
Sevindik Hətəmov xanım müavinini işdən çıxardıHacıqabul Rayon İcra Hakimiyyəti başçısının xanım müavini işdən çıxarılıb. Qaynarinfo-nun məlumatına görə, icra başçısı Sevindik Hətəmovun əmri ilə Xuraman Baba qızı Məmmədova İcra Hakimiyyət..
İsrail və HƏMAS sülh planının birinci mərhələsinə dair razılaşma imzalayıbMən İsrail və HƏMAS-ın sülh planımızın birinci mərhələsini imzaladığını elan etməkdən böyük qürur duyuram. "Report"un məlumatına görə, bunu ABŞ Prezidenti Donald Tramp "TruthSocial" sosial media plat..
Hadrutun işğaldan azad olunmasından 5 il ötürBu gün Xocavənd rayonunun Hadrut qəsəbəsinin işğaldan azad olunduğu gündür. 2020-ci il sentyabrın 27-dən başlayaraq Azərbaycan Ordusunun həyata keçirdiyi əks-hücum əməliyyatları nəticəsində Hadrut ..
Gəncədə iki məktəbin bir direktoru var - iddiaDünən Gəncə Daşkəsən Regional Təhsil İdarəsinin rəhbərliyi, şəxsən qurumun rəhbəri Elçin Kərimov İsmət Qayıbov adına 1 nömrəli orta məktəbdə iclas keçirib. İclasdan əvvəl isə... məktəb rəhbərliyi tə..
Prezident qardaş ölkələrə təşəkkür etdi (VİDEO)Azərbaycan Prezidenti İlham Əliyev Qarabağın və Şərqi Zəngəzurun bərpasına dəstək üçün qardaş ölkələrə təşəkkür edib. Qlobal.az xəbər verir ki, bu barədə dövlət başçısı "X" sosial şəbəkəsində payla..
“Nar” Azərbaycanın iqtisadi imkanlarını əks etdirən analitik nəşrə dəstək veribSərfəli mobil operator "Nar” Alman-Azərbaycan Ticarət Palatası (AHK Azərbaycan) və "Germany Trade & Invest”in (GTAI) əməkdaşlığı ilə hazırlanan "Market Analysis Azerbaijan 2025–2026 – Industry P..
Metropolitendə nə baş verir? - Vüsal Aslanovun təyin etdiyi daha bir rəis işdən çıxdı"Bakı Metropoliteni” QSC-nin şöbə rəisi işdən çıxıb. "APA-Economics”in əldə etdiyi məlumata görə, "Bakı Metropoliteni”nin İnsan hüquqları departamenti daxilində şöbə rəisi vəzifəsində çalışan Rüfət..
Kimya üzrə Nobel mükafatçıları açıqlandı: Biri fələstinəsillidirKimya üzrə Nobel mükafatı laureatları məlum olub. Qaynarinfo "Nobelprize.org”a istinadən xəbər verir ki, Susumu Kitagava, Riçard Robson və Omar M. Yaqi sözügedən sahə üzrə 2025-ci ilin laureatları e..

Qazaxın 4 kəndinin Azərbaycana qaytarılmasından bir il ötür

May 24

09:16 2025

Qazaxın Bağanıs Ayrım, Aşağı Əskipara, Xeyrımlı və Qızılhacılı kəndlərinin Azərbaycana qaytarılmasından bir il ötür.

APA xatırladır ki, Azərbaycan Respublikasının Prezidenti, Ali Baş Komandan cənab İlham Əliyevin tapşırığına əsasən, Azərbaycan Respublikasının Qazax rayonunun Bağanıs Ayrım, Aşağı Əskipara, Xeyrımlı və Qızılhacılı kəndlərinin işğaldan azad olunmasını təmin etmək məqsədilə, 19 aprel 2024-cü il tarixində Azərbaycan Respublikası və Ermənistan Respublikası arasında dövlət sərhədinin delimitasiyası üzrə Dövlət Komissiyası və Ermənistan Respublikası və Azərbaycan Respublikası arasında dövlət sərhədinin delimitasiyası məsələləri və sərhəd təhlükəsizliyi üzrə Komissiyasının 8-ci görüşünün Protokolu imzalanıb.

Qeyd olunan Protokolun həyata keçirilməsi məqsədilə sərhəd xəttinin koordinatları üzrə yerdəki geodeziya ölçmələrinə əsaslanaraq dəqiqləşdirmə aparılmış və müvafiq sərhəd xəttinin keçməsinin Protokol-təsvirini özündə əks etdirən birgə çöl işləri nəticələri haqqında Texniki Protokol tərtib edilib.

15 may 2024-cü il tarixində Azərbaycan Respublikası və Ermənistan Respublikası arasında sərhəddə Komissiyaların növbəti 9-cu görüşü keçirilib, sözügedən Texniki Protokol razılaşdırılmış və bu barədə Komissiyaların müvafiq Protokolu imzalanıb.

Delimitasiya işləri nəticəsində 12,7 km uzunluğunda sərhəd xətti müəyyən edilib və bununla Azərbaycan Respublikasının Qazax rayonunun 4 kəndinin: Bağanıs Ayrım, Aşağı Əskipara, Xeyrımlı və Qızılhacılının ərazilərinin (6,5 km2) Azərbaycana qaytarılması təmin edilib.

24 may 2024-cü il tarixində Azərbaycan Respublikasının Qazax rayonunun Bağanıs Ayrım, Aşağı Əskipara, Xeyrımlı və Qızılhacılı kəndlərinin əraziləri Azərbaycan Respublikası Dövlət Sərhəd Xidməti tərəfindən nəzarətə götürülüb.