Prezident İlham Əliyev Bakıda keçirilən beynəlxalq tədbirdə iştirak edir

SON XƏBƏR

“Azərbaycan-Rusiya münasibətləri ən yüksək səviyyədədir” - Federasiya Şurası"Rusiya-Azərbaycan münasibətləri ən yüksək səviyyədədir”. "Report" xəbər verir ki, bunu Rusiya Federasiya Şurasının sədrinin birinci müavini Andrey Yatskin Bakıda Azərbaycan Milli Məclisi i..
Prezident Gədəbəydə yol tikintisinə 2 milyon manat ayırıbPrezident İlham Əliyev Gədəbəy rayonunun Kiçik Qaramurad‒Cəfərli‒Əyrivəng‒Alnabat‒Kərimli‒İnəkboğan‒Göyəmli‒Şınıx‒Göyəlli‒Çobankənd‒Şahdağ‒Çiçəkli avtomobil yolunun əsaslı təmiri ilə bağlı tədbirlər h..
"Milli təhlükəsizlik haqqında" qanuna dəyişiklik I oxunuşda qəbul edilibDəniz ətraf mühitinin təhlükəli miqyaslarda çirklənməsi Azərbaycanın milli təhlükəsizliyinə təhdid hesab olunacaq. "Report"un xəbərinə görə, bununla bağlı "Milli təhlükəsizlik haqqında" qanuna dəy..
Azərbaycanda saxlanılan ermənilərin qaytarılacağı vaxt açıqlanıbAzərbaycanda saxlanılan ermənilər bir neçə günə, hətta yaxın saatlarda ölkəyə qaytarılacaq. APA "Sputnik Armenia”ya istinadən xəbər verir ki, bu barədə ölkə parlamentinin Xarici Əlaqələr Komissiya..
Milli Məclis Rəqabət Məcəlləsini qəbul edibMilli Məclisin bu gün keçirilən iclasında müzakirəyə çıxarılan "Azərbaycan Respublikası Rəqabət Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə haqqında” qanun layihəs..
Fazil Mustafa Milli Məclisin Mədəniyyət komitəsinin sədri seçilibFazil Mustafa Milli Məclisin Mədəniyyət komitəsinin sədri seçilib. APA xəbər verir ki, bu barədə Milli Məclisin iclasında qərar qəbul edilib. Ülviyyə Ağayeva isə Mədəniyyət komitəsinin sədr ..
Spiker: "Dünən sülh sazişinin bağlanması niyyəti təsdiq edildi""Dünən Azərbaycan və Ermənistan arasında sülh sazişi bağlamaq niyyəti təsdiq edilib". Qlobal.az xəbər verir ki, bu, Milli Məclisin bu gün keçirilən iclasında parlamentin sədri Sahibə Qafarova deyib..
Qurban Yetirmişli Avropada xanımının adına şirkət açıb - FaktlarRespublika Seysmoloji Xidmət Mərkəzinin baş direktoru Qurban Yetirmişlinin oğlu İlkin Yetirmişli GÜLMIR GMBH-ni 2014-cü ildə Almaniyanın Şverin şəhərində 25 min avro nizamnamə kapitalı ilə təsis edib...
Türkiyə XİN Azərbaycan və Ermənistan arasında əldə olunmuş razılığı alqışlayıbTürkiyə Xarici İşlər Nazirliyi Azərbaycan Prezidentinin Administrasiyası və Ermənistan Baş nazirinin Aparatının birgə açıqlamasını alqışlayaraq "əlavə addımların atılması ilə bağlı müzakirələrin davam..
Dövlət Departamenti O’Braynın Bakıya səfəri ilə bağlı məlumat yayıbABŞ-nin Dövlət Departamenti dövlət katibi Entoni Blinkenin Avropa və Avrasiya məsələləri üzrə köməkçisi Ceyms O’Braynın Bakıya səfəri ilə bağlı məlumat yayıb. "Report” xəbər verir ki, Birləşm..

Prezident İlham Əliyev Bakıda keçirilən beynəlxalq tədbirdə iştirak edir

Noyabr 25

10:35 2022

Noyabrın 25-də Bakıda, ADA Universitetində "Orta Dəhliz boyunca: geopolitika, təhlükəsizlik və iqtisadiyyat” mövzusunda beynəlxalq konfrans işə başlayıb.

"Report" xəbər verir ki, Azərbaycan Respublikasının Prezidenti İlham Əliyev konfransın açılışında iştirak edir.

Bu mühüm tədbirin iştirakçıları arasında ABŞ, Belçika, Bolqarıstan, Böyük Britaniya, Fransa, İsrail, İsveçrə, İtaliya, Gürcüstan, Kanada, Misir, Pakistan, Polşa, Rumıniya, Rusiya və Türkiyənin aparıcı beyin mərkəzlərinin rəhbərləri və nümayəndələri də var.

Konfransda Orta Dəhlizin təhlükəsizlik aspektləri, regionun iqtisadi imkanları müzakirə olunur. Xüsusilə bu baxımdan Zəngəzur dəhlizinin əhəmiyyəti, Şərq-Qərb dəhlizinin yaradacağı yeni nəqliyyat imkanları, beynəlxalq yükdaşımalarının genişləndirilməsi və şaxələndirilməsi məsələləri ilə bağlı fikir mübadiləsi aparılır.

Qeyd edək ki, Prezident İlham Əliyevin yürütdüyü siyasət nəticəsində dünyada böyük nüfuz qazanan Azərbaycan artıq ən mühüm mövzuların müzakirə olunduğu mötəbər beynəlxalq tədbirlərin təşəbbüskarı və təşkilatçısı kimi tanınır. Xüsusilə Vətən müharibəsindən sonrakı dövrdə keçirilən beynəlxalq tədbirlərdə işğaldan azad olunan ərazilərimizin dirçəldilməsi və beynəlxalq nəqliyyat dəhlizlərinin mühüm komponentinə çevrilməsi istiqamətində görülən işlərin təbliğinə geniş yer verilir. Ən diqqətçəkən məqamlardan biri də odur ki, bu konfrans və forumların əhatə dairəsinin genişlənməsi və iştirakçılarının sayının artması həmin tədbirlərə beynəlxalq səviyyədə marağın artdığını göstərir. Bu, həm də Prezident, Müzəffər Ali Baş Komandan İlham Əliyevin rəhbərliyi ilə Azərbaycanın Vətən müharibəsində qazandığı Qələbədən dərhal sonra dövlətimizin başçısının Cənubi Qafqazın sülh və əməkdaşlıq regionuna çevrilməsi istiqamətində həyata keçirdiyi ardıcıl və mütərəqqi siyasətə beynəlxalq ictimaiyyətin yüksək diqqətinin və artan marağının əyani ifadəsidir.

Bu istiqamətdə görülən işlər dövlətlərlə yanaşı, aparıcı beyin mərkəzləri, tanınmış ekspert və analitiklər tərəfindən də diqqətlə izlənilir. Təkcə cari il ərzində Bakı ilə yanaşı, işğaldan azad olunan ərazilərdə keçirilmiş forum və konfranslarda yüksək iştirak səviyyəsi bunu deməyə əsas verir. Belə ki, aprelin 10-13-də ADA Universitetində "Cənubi Qafqaza yeni baxış: münaqişədən sonra inkişaf və əməkdaşlıq”, 29-da isə "Cənubi Qafqaz: İnkişaf və əməkdaşlıq” mövzusunda beynəlxalq konfranslar, oktyabrın 5-6-da Ağdamda Milli Şəhərsalma Forumu və digər tədbirlər böyük maraqla qarşılanıb.