Milli Məclisin sabiq üzvü Rusiyada 50 milyon dollarlıq layihə başlayır
![](https://qlobal.az/photo/680x365/2023-12/1702277677_esabil-jpg-780x450.jpg?1725761449)
Dekabr 11
10:53
2023
Keçmiş deputat, "Karat Holding”in sahibi Əsabil Qasımov Rusiyada bahalı yaşayış kompleksi tikintisinə başlayıb.
Onun sözlərinə görə, Rusiya iqtisadiyyatına böyük yatırımlar edən sabiq deputat Kislovodsk şəhərindəki layihəsinə 50 milyon dollar vəsait (4.6 milyard rubl) xərcləyəcək.
Kompleksin tikintisi bu ilin martında təsis edilmiş "Zamkovaya” MMC tərəfindən həyata keçiriləcək və 2027-ci ildə başa çatdırılacaq.
Qaynarinfo xəbər verir ki, bu barədə araşdırmaçı jurnalist Cavanşir Həsənli məlumat yayıb.
Layihə çərçivəsində 88.5 min kv. metr sahəsi olan 1100 mənzildən ibarət 17 binanın, fitnes mərkəzinin, 300 maşınlıq parkının, üzgüçülük hovuzunun və ümumilikdə 11.5 min kv. metr sahəsi olan ticarət mərkəzinin tikintisi nəzərdə tutulur.
"Zamkovaya” MMC-nin 100 faiz payla təsisçisi Qasımovlar ailəsinə məxsus "Ekspo” MMC-dir. "Ekspo” MMC-nin təsisçisi isə 80 faiz payla Azərbaycanda hüquqi qeydiyyatda olan "Karmen” MM-dir. Digər 20 faizlik pay isə "Karat Holding”in Rusiyada təsis etdiyi "Aqros” MMC-yə məxsusdur.
Qlobal.az