“Mask ağlını itirir” - “Bu, ABŞ üçün təhlükəlidir”
Yanvar 08
13:06
2025
Amerikalı milyarder İlon Maskın bioqrafı Set Abramson onun psixi vəziyyətilə bağlı "həyəcan təbili çalıb”.
"AzPolitika” xarici KİV-ə istinadla xəbər verir ki, Abramsonun dediyinə görə, milyarder getdikcə çılğınlaşır və ağlını itirir. Bu isə ABŞ üçün təhlükəlidir: "Mən son iki il ərzində onun davranışını izləyən bioqrafıyam. Onun hər cür psixi xəstəliklərdən əziyyət çəkdiyini, ağır narkotik istifadəçisi olduğunu və ağır stressə məruz qaldığını etiraf etməsini nəzərə alsaq, indi onun ciddi şəkildə xəstə olmasından qorxmaq məntiqlidir”.
Ekspertin fikrincə, Maskın psixi vəziyyəti bütün dünyada fəsadlar törədə bilər. O, əlavə edib ki, sahibkarın şəxsi problemləri ümumi müzakirəyə və ictimai gündəmə gətirilməsəydi, bu qədər narahatlıq yaratmazdı.
Bundan öncə Norveçin Baş naziri Jonas Gahr Stor İlon Maskın üçüncü ölkələrin daxili siyasi məsələlərinə qarışmasından narahatlığını ifadə edib.
