Ölkənin nəqliyyat sektoruna nəzarət uğrunda savaş başlayıb – Hər kəs öz payını ala biləcəkmi?

SON XƏBƏR

Mehriban Əliyeva Tbilisidə Azərbaycan Mədəniyyəti Muzeyi ilə tanış olduAzərbaycanın birinci xanımı Mehriban Əliyeva aprelin 6-da Tbilisidə Mirzə Fətəli Axundzadə adına Azərbaycan Mədəniyyəti Muzeyi ilə tanış olub. Qlobal.az xəbər verir ki, Azərbaycanın birinci xanımın..
İlham Əliyev və İrakli Kobaxidze mətbuata bəyanatlarla çıxış etdiAprelin 6-da Tbilisidə Azərbaycan Respublikasının Prezidenti İlham Əliyev və Gürcüstanın Baş naziri İrakli Kobaxidze mətbuata bəyanatlarla çıxış ediblər. Qlobal.az xəbər verir ki, əvvəlcə Gürcüstan..
İran ABŞ-yə məxsus daha bir təyyarəni vurduİran Silahlı Qüvvələri ölkə ərazisində baş vermiş insidentlə bağlı yeni açıqlama yayıb. "AzPolitika" "Tasnim” agentliyinə istinadən xəbər verir ki,rəsmi məlumata görə, qəzaya uğrayan "F-15E..
"Fənərbaxça" "Beşiktaş"ı məğlub edibTürkiyə Super Liqasında XXVIII tur davam edir. Apasport.az xəbər verir ki, bu gün İstanbul derbisi baş tutub. "Fənərbaxça" "Beşiktaş"ı qəbul edib. Oyunun ilk hissəsi qolsuz keçib. İkin..
Region ölkələri İranı ABŞ ilə danışıqlar masasına qaytarmağa çalışır - “Wall Street Journal”Türkiyə, Misir və Pakistan rəsmiləri müharibəni dayandırmaq və ya müvəqqəti atəşkəsə nail olmaq məqsədilə İranı ABŞ ilə danışıqlar masasına qaytarmağa çalışırlar. Lakin bu günə qədər bu səylərin heç b..
Vüsal Nəsirli onu özünə müşavir təyin etdiAzərbaycan Avtomobil Yolları Dövlət Agentliyində (AAYDA) yeni təyinat olub. "AzPolitika" "Unikal”a istinadən xəbər verir ki, bununla bağlı AAYDA-nın idarə heyətinin sədri Vüsal Nəsirli əmr ..
Ermənistan Azərbaycana folqa ixrac edə bilərAzərbaycan Ermənistandan alüminium folqa idxalına xüsusi maraq göstərib. Ermənistan mediasının məlumatına görə, bu barədə ölkənin iqtisadiyyat naziri Gevorq Papoyan bildirib. "Azərbaycan tər..
Ayaz Salayev mövqeyini açıqladı: "Ondan başqa nüfuzlu adam yoxdur"Əməkdar incəsənət xadimi, kinoşünas Ayaz Salayev Azərbaycan Kinematoqrafçılar İttifaqının (AKİ) qurultayında dəstəkləyəcəyi namizədin adını açıqlayıb. O, Qaynarinfo-ya açıqlamasında bildirib ..
Azərbaycanın olimpiada tarixində ilkə imza atmışdı – MIT-ə qəbul olduBeynəlxalq olimpiada qalibi Selcan Süleymanlı dünyanın ən nüfuzlu ali təhsil müəssisələrindən biri olan Massaçusets Texnologiya İnstitutuna (MIT) qəbul olub. Qlobal.az "Azərbaycan müəllimi”nə istin..
ABŞ Qasım Süleymaninin qardaşı qızı və onun övladını həbs edibABŞ öldürülən İran generalı Qasım Süleymaninin qardaşı qızı Həmidə Süleymani Əfşar və onun qızını həbs edib. APA xəbər verir ki, bu barədə ABŞ Dövlət Departamenti məlumat yayıb. Məlumata görə,..

Ölkənin nəqliyyat sektoruna nəzarət uğrunda savaş başlayıb – Hər kəs öz payını ala biləcəkmi?

Sentyabr 25

16:58 2019

Vüsal Kərimli və Cavid Qurbanov nəqliyyat sektorunu tam monopoliyaya almaq istərkən, Qüdrət Qurbanov gəmiçilik sahəsini öz nəzarəti altında "müstəqilləşdirməyə” çalışır…

Son zamanlar yeni iqtisadi islahatlar çərçivəsində Ramin Quluzadənin rəhbərlik etdiyi Nəqliyyat, Rabitə və Yüksək Texnologiyalar Nazirliyinin yenidən formalaşması və bəzi qurumların Nazirlikdən ayrılacağı barədə xəbərlər dolaşmaqdadır. Xüsusən nəqliyyat sektorunun nazirlikdən ayrılacağı və müstəqil bir quruma, ya da nazirliyə çevriləcəyi barədə məlumatlar dolaşmaqdadır.

Qeyd edək ki, Ziya Məmmədovun oliqarxiyasına son verilməsi üçün Nəqliyyat Nazirliyi 2017-ci ilin fevralında Rabitə və Yüksək Texnologiyalar Nazirliyinə birləşdirilmişdi.

Geniş şaxəli və ən gəlirli sahələrdən biri olan nəqliyyat sektorunun Ramil Quluzadənin rəhbərlik etdiyi Nəqliyyat, Rabitə və Yüksək Texnologiyalar Nazirliyinin tərkibində fəaliyyəti çox effektsiz olub və nəqliyyat sektorunun problemləri hər gün daha da artır. Eyni zamanda gəlirli nəqliyyat sektoruna nəzarəti ələ keçirmək istəyənlər də az deyil.

PİA.az-a daxil olan məlumata görə hazırda Nəqliyyat Nazirliyinin yenidən müstəqil nazirliyə çevrilməsini istəyən qüvvələr çoxdur. Nəqliyyat naziri olmaq istəyənlərin sayı da çoxdur və onların arasında Bakı Nəqliyyat Agentliyinin rəhbəri Vüsal Kərimlinin adı daha çox hallanır. Eyni zamanda "Azərbaycan Dəmir Yolları” QSC-nin rəhbəri Cavid Qurbanovun da Nəqliyyat naziri olmağa çox həvəsli olduğu vurğulanır. Əldə etdiyimiz və səhih olmayan məlumatlara görə digər qruplaşmalarda da nəqliyyat sektorunu öz nəzarəti altına almaq istəyənlər var.

Hava nəqliyyatına gəlincə isə Azərbaycan hava yolları tamamilə AZAL-ın prezidenti Cahangir Əsgərovun nəzarətindədir və Cahangir Əsgərov hətta Ziya Məmmədova belə tabe olmurdu. Lakin bəzi məlumatlara görə Vüsal Kərimli ölkənin hava yollarını da tamamilə öz nəzarətinə götürəcək bir nazirlik layihəsini reallaşdırmağa çalışır. Bu isə Vüsal Kərimliyə qarşı koalisiyanın daha böyüməsinə səbəb olsa da, bu mübarizə də Vüsal Kərimlinin heç də zəif görünmədiyi vurğulanlır.

Nəqliyyat sektorunu nəzarət altına almaq istəyənlərin sayının artması ilə yanaşı bəzi qurumlar da özlərinin tam müstəqilliyini əldə etməyə can atırlar. Belə qurumlardan biri də Dövlət Dəniz Agentliyidir. PİA.az-a daxil olan məlumata görə Dövlət Dəniz Agentliyinin rəisi Qüdrət Qurbanov rəhbərlik etdiyi qurumu Nazirlikdən ayıraraq müstəqil quruma çevirmək və səlahiyyətlərini artırmaq istəyir.

Belə ki, Qüdrət Qurbanovun bir müddətdir Dövlət Dəniz Agentliyini Rabitə və Yüksək Texnologiyalar nazirliyindən ayıraraq, geniş səlahiyyətlərə malik bir quruma çevirmək üçün çalışdığı deyilir.

Qüdrət Qurbanov "Azərbaycan Xəzər Dəniz Gəmiçiliyi” QSC-ni və Xəzər dənizi sahilllərindəki limanları da Dövlət Dəniz Agentliyinə birləşdirməklə bir növ "dəniz nazirliyi” yaratmaq istəyində olduğu bildirilir. Saytımıza verilən məlumata görə Qüdrət Qurbanov istədiyi qurumun yaradılmasına hökumət tərəfindən razılıq verilməsi üçün bəzi nüfuzlu nazirlərin köməyindən istifadə edir.

Xatırladaq ki, Qüdrət Qurbanovun rəhbərlik etdiyi qurum ilk əvvəl Dövlət Dəniz Administrasiyası kimi fəaliyyət göstərsədə, Prezident İlham Əliyevin 12 yanvar 2018-ci il tarixli Fərmanı ilə Nəqliyyat, Rabitə və Yüksək Texnologiyalar Nazirliyi yanında Dövlət Dəniz Agentliyi kimi Nazirliyin strukturuna daxil edilib.

Yazıda adı keçən qurumların və şəxslərin mövqelərini dərc etməyə hazırıq…

Qlobal.az