Ləkərçay qazılır, çayətrafı yaşıllıqlar məhv edilir, əkin sahələri susuz qalır

SON XƏBƏR

NATO Rusiya sərhədi yaxınlığında hərbi təlimlərə başladıPolşanın Varmin-Mazur vilayətində, Rusiyanın sərhədindən cəmi 70 kilometr məsafədə, NATO qüvvələrinin TUMAK-24 adlı taktiki təlimləri başlayıb. Qaynarinfo xəbər verir ki, bu barədə Polşanın P..
Kreml Hələbdəki vəziyyəti Suriyanın suverenliyinə qəsd adlandırıbKreml Hələbdəki vəziyyəti Suriyanın suverenliyinə qəsd adlandırıb. APA-nın Moskva bürosu xəbər verir ki, bu barədə Rusiya Prezidentinin mətbuat katibi Dmitri Peskov bildirib. "Hələb ətrafındakı..
Mahnı qalmaqalına görə işdən çıxarılan direktor vəzifəyə bərpa edildiSamuxda məktəbdə keçirilən "Son zəng” mərasimində bayağı musiqi səsləndirilməsinə görə işdən azad olunan məktəb direktoru vəzifəsinə bərpa edilib. "Qafqazinfo” xəbər verir ki, bu barədə Nərimanov R..
Bu şəxslər birdəfəyə 6 min pul alacaqlarMilli Məclis "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında" qanuna təklif olunan dəyişiklik layihəsini son oxunuşda müzakirəyə çıxarıb. Qaynarinf..
Azərbaycanda qeydiyyatda olan İİV xəstələrinin sayı açıqlanıb1987-ci ildən 2024-cü ilin III rübünün sonunadək Azərbaycanda 10 min 108 İİV xəstəsi rəsmi qeydiyyata alınıb. "Report" xəbər verir ki, bunu Səhiyyə Nazirliyi Respublika QİÇS-lə Mübarizə Mər..
Bu məktəbə Natiq Qasımovun adı verildiMingəçevir şəhəri 4 nömrəli tam orta ümumtəhsil məktəbinə Azərbaycanın Milli Qəhrəmanı Natiq Səlim oğlu Qasımovun adı verilib. Bu barədə Baş nazir Əli Əsədov Qərar imzalayıb. Sənədə əsasən, Elm ..
Azərbaycanın xaricə satdığı məhsulların pulunu mənimsəyən şəxslər ifşa edildiKənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər ifşa edilib. Bu barədə Baş Prokurorluq məlumat yayıb. Belə ki, Sumqayıt şəhər pro..
Gürcüstanın parlament binasında qırmızı təhlükəsizlik səviyyəsi elan edilibEtirazlarla əlaqədar Gürcüstanın parlament binasında qırmızı təhlükəsizlik səviyyəsi elan edilib. APA-nın Tbilisi müxbiri Gürcüstanın İctimai telekanalına istinadən xəbər verir ki, qaydalara əsa..
Çad Fransa ilə müdafiə sahəsində əməkdaşlıq müqaviləsini pozubÇad Fransa ilə müdafiə müqaviləsini ləğv etdiyini açıqlayıb. APA xəbər verir ki, bu barədə "Frans-Presse" (AFP) Çadın Xarici İşlər Nazirliyinin rəhbərinin bəyanatına istinadən məlumat yayıb. "Ça..
Narkotiklə dolu avtomobili evakuatorla paytaxta gətirmək istəyən dəstə üzvləri saxlanılıblarÖlkə ərazisinə qaçaqmal yolu ilə gətirilən külli miqdarda narkotik vasitəni Bakı şəhərinə çatdıraraq satışını təşkil etmək istəyən şəbəkə üzvləri ifşa ediliblər. DİN-in Mətbuat Xidmətinin Lənkər..

Ləkərçay qazılır, çayətrafı yaşıllıqlar məhv edilir, əkin sahələri susuz qalır

Dekabr 10

00:30 2021

Kəndlilər "Kaspi Yıldız” şirkətinin fəaliyyətindən narazıdır

"Sahələri məhv edirlər, çınqılı, torpağı daşıyırlar, çayın dibi 15 metrdən çox qazılıb, bu isə torpağın altında boşluqlar yaranmasına səbəb olub. Bir müddətdən sonra buralar da sürüşmə zonasına çevriləcək”.

Bir neçə gün əvvəl Lənkəranın Təngivan kənd sakinləri Meydan TV-yə müraciət edərək Lənkərançayda aparılan qazıntıya görə çayətrafı ərazilərin dağıdıldığını deyirdi.

Bu dəfə isə Lerik rayonu, Piran ərazisinin Qışlaq kənd sakinləri müraciət ediblər. Onlar Lənkərançayın bir qolu olan və Qışlaq kəndindən keçən Ləkərçayın qazılması nəticəsində çayətrafı ərazilərin dağıdıldığını bildirirlər. Onların sözlərinə görə, illərdir ki, "Kaspi Yıldız” şirkəti Ləkərçaydan çınqıl çıxarır, nəticədə yaşıllıqlar məhv edilib, kəndlilərin istifadə etdiyi yollar dağıdılıb, onlar çaydan suvarma işləri üçün istifadə edə bilmirlər. Kənd sakini Qalib Kərimov danışır:

"Fövqəladə Hallar Nazirliyindən, Ekologiya və Təbii Sərvətlər Nazirliyindən gəldilər, onların gəlişindən sonra çınqıl zavodu işi dayandırdı, ancaq bir həftədən sonra yenə işə başladı. Hər yeri viran qoyublar, qaza-qaza gəlib kəndin içərisinə çatıblar. Bu gedişlə kəndimizdə bircə ailə də qalmayacaq, hamı başını götürüb köçəcək buralardan”.

Ləkərçay Lənkərançayın bir qoludur, Lerik və Lənkəran rayonları ərazisindən axır. Uzunluğu 84 km, hövzəsinin sahəsi 98 km²-dir. Mənbəyi Talış silsiləsinin cənub-şərq hissəsindən başlayır. Çayətrafı kəndlərdəki əkin sahələrinin suvarma suyu əvvəllər bu çaydan götürülürdü. Ancaq "Kaspi Yıldız” şirkətinin illərdir ki, çayın yatağında çınqıla görə qazıntı işləri aparması kəndliləri çaydan uzaq salıb.

Qalib Kərimov, Foto: Meydan TV

Kənd sakini Ağalar Əliyev danışır: "Mən bu çayın halına ağlayıram. Uşaqlığım bu çayın kənarında keçib. Sahələrimizi bu çayın suyuyla suvarırdıq. İndi sahələrimiz də susuz qalıb. Qaza-qaza gəlib kəndin içərisinə çıxıblar. İndi biz nə edək, dədə-baba yurdumuzu atıb, başımızı götürüb gedək? Axı bu çay bizim təbii sərvətimizdir, bu boyda çayı, onun sahilini, bu boyda yaşıllıqları, əkin sahələrini, yollarımızı, kəndimizi bir işbazın tamahına qurban vermək olmaz. Tökür texnikaları çaya, dibini qazır, daşıyır. Ekologiya və Təbii Sərvətlər Nazirliyinin "qaynar xətt”inə dəfələrlə zəng etmişik, nazirliyin aidiyyəti üzrə departamentdən gəldilər, baxış keçirtdilər, işi dayandırdılar, sonra iş yenə davam etdi”.

Dekabrın 1-də Ekologiya və Təbii Sərvətlər Nazirliyi öz rəsmi "Faceebok” səhifəsində Ləkərçaydakı qazıntıyla bağlı məlumat yerləşdirib. Həmin məlumatda qeyd olunub ki, Dövlət Mineral Xammal Ehtiyatlarından İstifadə Agentliyinin əməkdaşları tərəfindən Lerik rayonu Piran kəndi ərazisində keçirilən nəzarət tədbirləri zamanı "Kaspi Yıldız” MMC tərəfindən qanunsuz qum-çınqıl hasilatının aparıldığı müəyyən edilib. Agentliyin rəsmisi Samir Qurbanov bildirib ki, faktla bağlı bu ilin 26 oktyabr tarixində protokol tərtib edilib və şirkət barəsində qanunamüvafiq tədbirlərin görülməsi üçün toplanmış sənədlər Lerik Rayon Məhkəməsinə göndərilib.

Samir Qurbanov onu da bildirib ki, sözügedən şirkət qanunsuz qazıntı işlərini davam etdirdiyi üçün barəsində toplanmış sənədlər hüquq-mühafizə orqanlarına göndərilməsi üçün hazırlanır.

Ağalar Əliyev,Foto: Meydan TV

"Kaspi Yıldız” MMC-nin Lerikin 78 saylı dairəsindən deputat seçilmiş İqbal Məmmədova məxsus olduğu bildirilir. Bu il "Kapitalbank” həm ona, həm qardşaı Çingiz Məmmədova, həm də şirkətə qarşı məhkəmə iddiası qaldırmışdı.

Bu ilin fevralında İqtisadiyyat Nazirliyi yanında Dövlət Vergi Xidməti də "Kaspi Yıldız” Azərbaycan-Türkiyə Birgə Müəssisəsini dövlət büdcəsinə olan borcuna görə məhkəməyə vermişdi.

Vergi Xidməti şikayət ərizəsində şirkətin dövlət büdcəsinə 9 milyon 262 min 108 manat vergi borcu olduğunu göstərib.

Meydan TV "Kaspi Yıldız” MMC-nin rəhbərliyi, eləcə də İqbal Məmmədov ilə əlaqə saxlaya bilməyib.

Bundan əvvəl Piran sakinləri Meydan TV-yə müraciət edərək kənd ərazisində fəaliyyət göstərən və İqbal Məmmədova məxsus olduğu bildirilən quşçuluq təsərrüfatlarının da ekologiyaya zərər vurmasından şikayətlənmişdilər.

Sakinlərin deməsinə görə, bir müddətdir ki, təsərrüfat fəaliyyətini davam etdirsə də, ekologiyaya zərər verən sexləri – quş kəsimi bölmələri bağlanıb.
1 il əvvəlsə Astarada su çəkilişində fəhləlik etmiş bir qrup sakin Astarada yerləşən "Relax” istirahət Mərkəzinin qarşısında aksiya keçirərək maaşlarını tələb etmişdilər. İddia edirdilər ki, onları su çəkilişində işlədən "Kaspian Yıldız” şirkəti pullarını ödəmir, fəhlələr borcun İqbal Məmmədov tərəfindən ödənilməsini tələb edirdilər. Şirkətin ofisi "Relax”ın həyətində yerləşdiyi üçün onlar istirahət mərkəzinin giriş və çıxışını bağlamışdılar.

Qlobal.az