"Koronavirus güclü epidemiya deyil" - ÜST
Fevral 04
17:06
2020
Koronavirusun pandemik xəstəlik olmadığı açıqlanıb.
"Report” "Al Jazeera”ya istinadən xəbər verir ki, bunu Ümumdünya Səhiyyə Təşkilatının İnfeksion xəstəliklərə qlobal hazırlıq üzrə direktoru Silvi Brian bildirib.
"Hazırda pandemiyadan söhbət gedə bilməz. Bu, çoxsaylı mənbəsi olan epidemiyadır. Hazırda koronavirus xəstəliyi Çinin xaricində 23 ölkədə qeydə alınıb”, - o deyib.
Qeyd edək ki, pandemiya dünya miqyasında yayılmış güclü epidemiyaya deyilir. 2009-cu ildə ÜST H1N1 virusunu ("donuz qripi”) pandemiya olaraq elan etmişdi.
