Kaxa Kaladze: "Gürcüstanın qaz ehtiyatları ilə bağlı xəbər inandırıcı deyil"
Fevral 06
13:25
2016
Gürcüstanın Kaxeti bölgəsində 3,8 trilyon kubmetr təbii qaz ehtiyatı olması barədə "Frontera” şirkətinin məlumatı inandırıcı deyil. Bu gün heç Türkmənistan və ya digər neft-qaz ölkələri bu qədər təbii qaz ehtiyatına malik deyil.
Bu sözləri jurnalistlərə müsahibəsində Gürcüstan baş nazirinin müavini, energetika naziri Kaxa Kaladze deyib.
Kaladze bildirib ki, bunun sübut olunması üçün milyardlarla investisiya lazımdır. Əgər bu proqnozlar təsdiqini taparsa vəziyyət tam dəyişər.
Amma bunun da hansı nəticələr verəcəyini heç kim qabaqcadan proqnozlaşdıra bilməz. («Report»)
