İtaliyada dünyada koronavirusu məhv edən ilk vaksin hazırlandı - FOTO
May 07
09:11
2020
İtaliya tədqiqatçıları dünyada koronavirusu məhv edə biləcək ilk vaksini hazırladıqlarını bildiriblər.
Bu barədə "Report” "Daily Mail”ə istinadən xəbər verir.
Tədqiqatçılar qeyd ediblər ki, tezliklə vaksinin insanlar üzərində sınaqlarına başlamağı planlaşdırırlar. Vaksin artıq gəmiricilər üzərində testdən keçirilib. Alimlər siçanlara iynə vurduqdan sonra onlardan anticisimlər götürüblər. Laboratoriya sınaqlarının ilkin nəticələri göstərib ki, anticisimlər koronavirusun insan hüceyrələrinə yoluxmasını dayandırmağa müvəffəq olub.
Vaksinin hazırlanması ilə məşğul olan şirkətin başçısı bildirib ki, dərmanın genişmiqyaslı sınaqları cari ilin payızına planlaşdırılıb.
Dünyada koronavirus qurbanlarının sayı 263 086 nəfərə çatıb, virusa yoluxan 1 285 591 nəfər sağalıb. COVID-19-a yoluxanların ümumi sayı 3,8 milyonu ötüb.
Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 212 ölkə və bölgədə qeydə alınıb.
