İsmayıllı rayonunun Balik kəndində səyyar görüş-qəbul keçirilib
Dekabr 20
14:07
2019
İsmayıllı rayonunda vətəndaşların problemləri və qayğıları hər zaman diqqət mərkəzində olub. Hər həftə rayon icra hakimiyyətində, eləcə də kəndlərdə vətəndaşların qəbulu keçirilir. Bu qəbullarda vətəndaşlar dinlənilir və onları nərahat edən problemləmlərin həlli istiqamətində işlər görülür.
Qlobal.az xəbər verir ki, növbəti səyyar görüş-qəbul rayonun Balik kəndində olub.
Görüş-qəbulda RİH-nin başçısı Mirdaməd Sadıqov əvvəlcə Möhtərəm Prezidentimiz cənab İlham Əliyevin rəhbərliyi ilə ölkədə aparılan uğurlu islahatlardan, ölkənin inkişafı və görülən işlərdən, bu işlərin davamı kimi İsmayıllıda görülən işlərdən, ölkənin və rayonun daha da inkişafı üçün bundan sonra da nəzərdə tutulan planlardan, görüləcək işlərdən ətraflı danışaraq kənd sakinlərinə məlumat verib.
Sonra kənd sakinlərini müraciətləri dinlənilib.
Qəbulda iştirak edən vətəndaşlar kəndin ümumi problemlərini, həmçinin onları narahat edən şəxsi məsələləri RİH başçısının nəzərinə çatdırıblar. Kəndin əsas ümumi problemlərindən əlavə transformatorun qoyulması, qəzalı elektrik dirəklərinin dəyişdirilməsi, arteziandan axan suyun anbara yığılması və kəndin məhəllələrinə paylanması, körpünün təmiri və digər məsələlərin həlli üçün RİH başçısı aidiyyatı üzrə tapşırıqlarını verib, kəndə qaz çəkilməsi məsələsini isə Dövlət Proqramına əsasən növbəti 2020-ci ildə öz həllini tapacağı barədə sakinlərə məlumat verib.
Sakinlərin şəxsi problemlərinin də həlli ilə bağlı aidiyyatı qurumlara tapşırıqlar verilib və RİH-nin məsul işçiləri tərəfindən nəzarətə götürülüb.
