“İraqın imtina etdiyi məhsullar Azərbaycana göndərilir”
Avqust 17
11:42
2016
Eyyub Hüseynov: "Bəzi məhsullar Azərbaycan dilində ümumiyyətlə markalanmayıb”
Azad İstehlakçılar Birliyinin sədri Eyyub Hüseynov Moderator.az-a açıqlamasında Ukraynadan gətirilən toyuq əti və bu ətin doğurduğu təhlükə ilə bağlı maraqlı fikirlər səsləndirib. E.Hüseynovun sözlərinə görə, İraqın imtina etdiyi bu məhsulların Azərbaycan tərəfindən qəbul edilməsi təəssüfedicidir:
Azad İstehlakçılar Birliyinin sədri Eyyub Hüseynov Moderator.az-a açıqlamasında Ukraynadan gətirilən toyuq əti və bu ətin doğurduğu təhlükə ilə bağlı maraqlı fikirlər səsləndirib. E.Hüseynovun sözlərinə görə, İraqın imtina etdiyi bu məhsulların Azərbaycan tərəfindən qəbul edilməsi təəssüfedicidir:
"Ukraynadan gətirilən toyuqlarla bağlı dövlət qurumlarına müraciət etdik. Bəlli oldu ki, Ukraynadan gətirilən toyuqlar 30% miqdarında maye vurulub. Bu maye onların çəkisini artırmaq və tez yetişdirmək üçün vurulub. Ukraynadan gətirilən "ULAR” toyuq budları ilə yanaşı, "Katkut” deyilən toyuq cəmdəkləri də təhlükə mənbəyidir. Bunlar 7 dildə markalansa da, Azərbaycan dilində markalanmayıb. Bizdə məlumat var ki, bu məhsullar öncə İraqa göndərilib, lakin İraq tərəfi bunu qəbul etməyib. Əlimizdə ekspertizanın nəticələri də var. Bu toyuqlara 30% maye vurmaqla istehlakçılar aldadılıb. Bu, məsələnin bir tərəfi. Həmin mayenin mənşəyi nədən ibarətdir – bu barədə də məlumat yoxdur. Baytarlıq İdarəsi bildirir ki, biz hər şeyi yoxlamışıq. Bir dənə bunu yoxlamamaışıq. Bu, anormal haldır. Məhsul tam şəkildə, bütün parametrlər üzrə yoxlanılmalıdır”.
Qlobal.az
