İcra başçısından şəhid ailəsinə- "Sənin ərini Qarabağa biz göndərməmişik"- ŞİKAYƏT
Avqust 15
12:16
2016
Azərbaycanda əksər məmurların vəzifələrinin öhdələrindən gələ bilməmələri, vətəndaşların problemlərinə, qayğılarına diqqətsiz yanaşmaları bütün narazılıqları mərkəzi hakimiyyətə yönəltməkdədir. Respublika prezidenti İlham Əliyev cənablarının dəfələrlə vəzifələrinə bu cür etinasız yanaşan məmurlara sərt xəbərdarlığı, onlardan vətəndaşlara qarşı diqqətli olmağı tələb etməsi görünür hələ də bəzi məmurlara "çatmayıb". Məmur özbaşınalığı əyalətlərdə daha da geniş vüsət alıb. Xüsusən də bu cür neqativ hallar əlillərə, veteranlara, şəhid ailələrinə qarşı sərgilənir. Hər gün rayonlardan qarşılaşdıqları özbaşınalıqlara, qanunsuzluqlra görə ölkə mətbuatına, nazirliklərə və eləcə də PA-na yüzlərlə şikayət məktubu gəlməkdədir.
Yerli məmurların şəhid ailəsinə qarşı etdikləri daha bir qanunsuzluq Ağdam rayonunda baş verib. Şəhid ailəsi tərəfindən Qlobal.az saytına göndərilən şikayət məktubunu olduğu kimi təqdim edirik:
Azərbaycan
Respublikasının Prezidenti
İlham Əliyev
cənablarına Surəti: Heydər Əliyev Fondunun Prezidenti,
Millət
Vəkili
Mehriban xanım Əliyevaya
Surəti: Milli Məclisin sədri cənab Oktay Əsədova
Surəti: İnsan Hüquqları üzrə Müvəkkili OMBUDSMAN
Elmira xanım Süleymanovaya
Surəti: Milli Məclisin deputatı cənab Çingiz Qənizadəyə
Surəti: Azərbaycan Respublikasının Səhiyyə Naziri
Cənab Oktay Şirəliyevə
Ağdam rayon Alıbəyli I qəsəbəsi ev № 97-də
yaşayan, məcburi köçkün, şəhid ailəsi Mejdinova Kəmalə Vaqif qızı tərəfindən
Şikayət ərizəsi
Möhtərəm Prezident!
Hörmətli xanımlar və cənablar!
Mənim
Sizlərin ünvanınıza göndərdiyim şikayət ərizələri, teleqramlar baxılması üçün
Ağdam rayon İcra Hakimiyyətinin Başçısına göndərilib. Mən həqiqətən bir şəhid
ailəsi kimi başa düşə bilmirəm ki, mənim özbaşınalıqlarından, qanunsuz
hərəkətlərindən şikayət etdiyim İcra Başçısı özü barədə hansı tədbir görə
bilər? Bundan əlavə 25 iyun 1997-ci ildə Ulu Öndər Heydər Əliyevin fərmanı ilə qüvvəyə
minmiş "Vətəndaşların müraciətlərinə baxılması haqqında” Azərbaycan qanununun
7-ci maddəsində göstərilir ki, Vətəndaşın şikayəti baxılması üçün qanunazidd
hərəkətlərindən və yaxud hərəkətsizliyindən şikayət edilən dövlət orqanlarına
və vəzifəli şəxsə göndərilməsi qadağandır.
Mənim
Prezidentimizin ünvanına göndərdiyim qəbul üçün teleqrama 24 iyun 2016-cı il
tarixdə Ağdam rayon İcra Başçısının müavini baxırsa, dövlətimizin ali
qanunlarına hörmətsizliyi heç cürə başa düşə bilmirəm. Qanunlarımıza, Prezidentimizin
tapşırıqlarına bu cür sayğısız yanaşma, qanunsuzluqların, dərəbəyliyin baş alıb
getməsinə şərait yaradır.
Bir daha nəzərinizə
çatdırıram ki, mənim həyat yoldaşım Ümumilli Liderimiz Heydər Əliyevin çağrışı
ilə üç azyaşlı övladını mənim himayəmdə qoyub vətənimizin azad edilməsi üçün
Qarabağ müharibəsinə getmiş və orada şəhid olmuşdur.
Möhtərəm Prezident!
Siz dəfələrlə şəhid ailələrinə diqqət
qayğı göstərilməsi onların problemlərinin heç bir bəhanə gətirilmədən dərhal
həll edilməsi barədə tapşırıqlar vermisiniz və şəhidlərin ən böyük hörmətə
layiq olduğunu bildirmisiniz. Ancaq çox acı təəssüflər olsun ki, Sizin bu
tapşırıqlarınızı Ağdam rayon İcra Hakimiyyətinin Başçısı Raqub Məmmədov və
Ağdam MRX-nin baş həkimi Bəxtiyar Haqverdiyev saya salmır. Belə olmasaydı onlar
mənə deməzdilər ki, sənin ərini Qarabağa biz göndərməmişik. Mənim həyat
yoldaşım Qarabağ müharibəsinə Ulu Öndərin çağrışı ilə gedib. Ulu Öndərimiz
cismən həyatda olmasada onun varisi, siyasi kursunun davamçısı, onun
ideyalarının davamçısı kimi Silahlı Qüvvələrin Ali Baş Komandanı kimi Siz
varsınız və Siz bizim güvənc yerimizsiniz. Sovetlər İttifaqı dövründə SSRİ Almaniyaya ona görə qalib gəldi ki, cəbhədə
döyüşən əsgərin ailəsinin dövlət təminatı var idi. Hətta ən vəzifəli məmurlar
belə əsgər ailələrini hüquqlarını pozmağa cəsarət edə bilməzdilər.
İndi isə Ağdam rayon İcra Hakimiyyətinin Başçısı Raqub
Məmmədov və Ağdam MRX-nın baş həkimi
elə cəzasızlıq şəraitindədirlər ki, nə Sizin tapşırıqlarınıza nə də dövlətin
qanunlarını saya salmırlar. Əmək Məcəlləsinin 75-ci maddəsində göstərilir ki,
ştatların ixtisarı zamanı şəhid ailələrinə, Qarabağ əlillərinə, Qarabğ
veteranlarına, məcburi köçkünlərə ailənin yeganə işləyən üzvlərinə üstünlük
verilir. Mən həm şəhid ailəsiyəm, həm məcburi köçkünəm, həm də ailənin yeganə
işləyən üzvüyəm. Bütün bunları nəzərə alınmayaraq məni işdən çıxarırlar. Bəs
mən şəhid ailəsi kimi dərdlərimi kimə deyim?
Möhtərəm Prezident!
2016-cı
ilin aprel hadisələri bir daha göstərdi ki, Qarabağın, torpaqlarımızın azad
edilməsi şəhidlikdən keçir. Elə isə Ağdam rayon İcra Hakimiyyətinin Başçısı
Raqub Məmmədov niyə şəhid ailələrinin problemlərinə tam laqeyiddir. Axı Ağdam
RİH-nin Başçısı R, Məmmədovu Siz bu vəzifəyə təyin etmisiniz! Bu barədə Siz
düşünməlisiniz! Axı mən övladlarımıza hansı vətənpərvərlikdən danışım ki,
atalarının uğrunda şəhid olduğu bu torpaqda vəzifəlilər məni işdən çıxarır,
bizi məhrumiyyətlərə düçar edir, hüquqlarımız tapdanır.
Möhtərəm Prezident!
Siz həyat yoldaşınız Mehriban xanımla
aprel döyüşlərində şəhid olan əsgərlərimizin ailələrinə, hüquqlarının
təminatına söz verdiniz. Bəs necə ola bilər ki, Sizin təyin etdiyiniz Ağdam
İcra Başçısı və Ağdam MRX-nın baş həkimi şəhid ailəsinə hörmətsizlik göstərsin?
Sizin dediklərinizi, tapşırıqlarınızı yerinə yetirməsin?
Möhtərəm Prezident!
Sizin daha qətiyyətli, cəsarətli
addımlarınız üçün Sizin arxanızda Sizin əmrinizə hazır olan dövlətimizin ərazi
bütövlüyünün təmin edilməsi üçün minlərlə şəhid olmağa hazır olan balalarımız
olmalıdır. Ağdam rayon İcra Başçısı cənab Raqub Məmmədovla, Ağdam MRX-nin Baş
həkimi B. Haqverdiyev şəhid ailəsi kimi mənə deyirsə sənin ərini Qarabağa biz
göndərməmişik. Sizin arxanızda dayanan əmrinizə hazır olan balalarımızın inamı
sarsıla bilər. Şəhid ailələrini təhqir edən rayonda idarəetmə anarxiyaya
çevirən, Sizin onun qarşısında qoyduğunuz tapşırıqları yerinə yetirməyən layiq
olmadığı halda yüksək vəzifəyə təyin edilən ancaq öz qohum əqrabasının
himayədarı olan R. Məmmədov kimi bir şəxsin İcra Başçısı kimi saxlanılmasına nə
ehtiyac var. Ümid edirəm ki, yaxın vaxtlarda gözləntilərinizi, ehtimadını
doğrultmadığı üçün onun vəzifədən azad edilməsi barədə sərəncamınızı
eşidəcəyik.
Möhtərəm Prezident!
Ağdam rayon İcra
Başçısının qəbulunda olarkən Başçı mənə bildirdi ki, televiziyada, mətbuatda
Prezident şəhid ailələri barədə nə deyib mən bilmirəm. məni rayona İcra Başçısı
təyin edərkən təklikdə mənə tapşırıq verib ki, özün necə bilirsən, elə də
işlə.
Odur ki, Sizdən xahiş edirəm məni Ağdam rayon İcra
Hakimiyyətinin Başçısı Raqub Məmmədov və Ağdam MRX-nın baş həkimi Bəxtiyar
Haqverdiyevlə birlikdə qəbul edəsiniz.
Qeyd:
Cənab Prezident!
Mən Azərbaycan dövlətinin
vətəndaşıyam, şəhid ailəsiyəm. Siz dəfələrlə bəyan edirsiniz ki, mən hər bir
vətəndaşın Prezidentiyəm. Şəhid ailələri ən böyük hörmətə və qayğıya
layiqdirlərsə bəs onda nə üçün şəhid ailəsi kimi məni qəbul etmirsiniz. Sizə
qəbul üçün göndərdiyim teleqramı məni təhqir edən Ağdam İcra Başçısına
göndərirsiniz! Bu mənə ən azı təhqirdir.
Cənab Prezident!
Azərbaycanın Ana Qanunu olan Konstitusiyamızda daxil olmaqla
qanunvericiliyimizin çox böyük hissəsi Atanız Ulu Öndər H.Əliyevin
Prezidentliyi dövründə onun fərmanları ilə qüvvəyə minib. Məmurlara Ulu Öndərə
sayğı göstərməyi öyrədin ki, qanunlarımız, Konstiyusiyamız da hörmətə minsin.
Mejdinova Kəmalə Vaqif qızı
24.07.2016-cı il
Qlobal.az
