Həbs edilən "Şlyapa Zahid" kimdir?
May 31
16:59
2022
Bir neçə gün öncə həbs edilən Müdafiə Nazirliyinin Daxili Təhlükəsizlik, həmçinin Təhsil-tədris və Elmi tədqiqatlar idarəsinin sabiq baş zabiti Zahid Niftəliyev barəsində yeni məlumatlar əldə olunub.
Məlum olub ki, Z.Niftəliyev MN-in vəzifəli şəxsləri ilə əlbir olaraq həm müddətli hərbi qulluqçuların, həm də zabit-gizir heyətinə daxil olan hərbi qulluqçuların xidməti yerlərinin pul müqabilində dəyişdirilməsini təmin edib.
Qadın hərbi qulluqçuların isə qanunsuz yolla xidmətə qəbul edilmələrini təşkil edib. Onun qanunsuz sahibkarlıqla da məşğul olduğu bildirilir.
Həmçinin bildirilir ki, Z.Niftəliyevin qanunsuz əməllərindən ziyan çəkmiş şəxslərin dairəsi genişlənməkdədir.
Lakin ibtidai istintaqın gedişində onun barəsindəki ittihamın daha ağır maddələrə tövsif olunma ehtimalı var. Qeyd edək ki, Z.Niftəliyev ordunun keçmiş Baş Qərargah rəisi Nəcməddin Sadıkovun yaxın adamı, "sağ əli” hesab olunurdu.
Qeyd edək ki, o, "Şlyapa Zahid” ləqəbi ilə tanınıb.
Qlobal.az
