Hacı Tofiq: “Təzyiqlərə görə ləyihələrimin 50 faizini onlara verdim...”
Aprel 07
00:25
2022
"AAAF İnşaat” MMC-nin təsisçisi, tanınmış iş adamı Tofiq Heydərov bəzi dövlət qurumlarının yaratdığı problemlərdən, həmçinin biznesinin təzyiqlə ələ keçirilməsindən şikayətlənib.
İş adamı bununla bağlı "Facebook”da müraciət yerləşdirib. O, əvvəlcə qeyd edib ki, qarşılaşdığı çətinliklər həllini tapmayanda yeni layihələrin ərsəyə gəlməsi sual altında qalır və biznesin inkişafına böyük zərbələr dəyir.
İş adamı xatırladıb ki, "AAAF İnşaat” MMC regionlarda inşa etdiyi idman zallarından başqa Xırdalan şəhərində 4 böyük layihə – "AAAF park” ( 519 000m2), "Gənclər şəhərciyi” (280 000 m2), "Abşeron City” (65 800 m2) və AAAF layihəsi (Bakı -Sumqayıt şossesi. 94 000 m2) həyata keçirir.
T.Heydərovun sözlərinə görə, on milyonlarla vəsait yatırılan "Gənclər şəhərciyi” layihəsi Abşeronun keçmiş icra başçısı İradə Gülməmmədova tərəfindən dayandırılıb: "Mənə təsir edən odur ki, bu layihəni Prezident İlham Əliyevin sahibkalara müraciətindən sonra başlamışdım. O zaman vəziyyət yaxşı deyildi, bütün təşkilatlara vətəndaşların işlə təmin olması tapşırığı verilmişdi. Biz də dövlətimizə dəstək olaraq iş adamlarını cəlb edib, gözəl layihələrə start vermişdik. Amma bütün sənədlər qaydasında olduğu halda bizə qarşı belə addımın atılması xainlikdən başqa bir şey deyil”, – iş adamı vurğulayıb.
Qlobal.az
