Gədəbəy Aşıq Məktəbində "Ustad dərsi" rubrikasında növbəti görüş tanınmış saz ifaçısı Zahid Aslanoğluya həsr edilmişdir
Oktyabr 21
10:46
2015
Qlobalinfo.az Mədəniyyət və Turizm nazirliyinə istinadən xəbər verir ki, Gədəbəy Aşıq Məktəbində "Ustad dərsi" rubrikasında növbəti görüş tanınmış saz ifaçısı, Ümumdünya Folklor Festivalının qalibi, bir sıra müsabiqələrin laureatı Zahid Aslanoğluya həsr edilmişdir. Onlarla yetirməsi olan ustad ifaçı görüşdə yaradıcılıq fəaliyyətindən,sənətə olan marağından danışmış, bir sıra məşhur ifaçılarla birgə konsertlərdəki çıxışlarından söz salmışdır.
Ustad ifaçı Aşıq Məktəbinin dərs otaqları, Saz muzeyi və Səsyazma studiyası ilə tanış olmuşdur. O, "Folklor" ansamblının üzvlərinə məsləhətlər, tövsiyələr vermiş, uğurlar diləmişdir. Daha sonra bir neçə saz havası ifa etmiş məşhur sənətkar həm də saz alətinin quruluşu, ifa texnikası barədə də fikirlər söyləmişdir.
Qeyd edək ki, ustad haqqında vaxtilə Azərbaycan Televiziyası Qapalı Səhmdar Cəmiyyəti tərəfindən "Dağların ustad aşığı " adlı televiziya filmi çəkilmişdir.
