Ermənistanda Azərbaycan sementi satılır - FOTO
Fevral 05
12:55
2016
Ermənistanın Qafan şəhərinin sakini Armen Qriqoryan Facebook profilində ölkədə satışa çıxarılmış İran sementinin fotosunu paylaşıb.
Qaynar.info xəbər verir ki, o, yazıb: "Qafanlıların dediklərinə görə, şəhərdəki dükanlarda İran və Azərbaycanda istehsal olunmuş sementlər satılır.
"İran sementi məlum, İran bizə sementi satır, biz də alırıq. Azərbaycan sementinə gəldikdə isə, qafanlılar deyirlər ki, bu sementi Gürcüstanda bizimkilər alır, sonra Ermənistana yollayırlar. Buna kim yol verir?! Bəlkə Dövlət Sərhəd Xidmətinin başçsı Qagik Xaçatryan sualıma cavab verə?! Buyur, cənab "supernazir", suallarımı cavabla. Generallar, kirvələr yalnız özlərini düşünür, daha çox pul qazanmaq istəyirlər. General Xaçatryan, əgər bəhs etdiklərimi görür və susursunuzsa, deməli, elə sizsiniz həmin sementləri Ermənistana gətirən", - A.Qriqoryan yazıb.
Azərbaycanda istehsal olunmuş mal və məhsulların Ermənistana gedib çıxması İranla Gürcüstan ərazisindən həyata keçirilir. Ermənilər bu dövldətlərdə bəhs olunan malları alır, sonra ölkələrinə daşıyırlar.
Qlobal.az
