Eldar Mahmudovun kassiri - Babatov

SON XƏBƏR

Fransada etiraz aksiyalarında 175 minə yaxın şəxs iştirak edibÇərşənbə günü Fransada "Hər şeyi blokla" hərəkatı çərçivəsində keçirilən etiraz aksiyalarında azı 175 min nəfər iştirak edib. "Report"un yerli KİV-lərə istinadla verdiyi məlumata görə, bu barədə F..
"Beynəlxalq sistem qlobal məsələləri və regional münaqişələri həll edə bilmir" - Hakan FidanBeynəlxalq sistem nə qlobal məsələlərə çarə tapa bilir, nə də regional münaqişələrə həll yolu təqdim edə bilir. "Report" "Anadolu" Agentliyinə istinadən xəbər verir ki, bunu Türkiyənin xarici ..
Paşinyan: ATƏT-in Minsk qrupu heç vaxt faydalı olmayıbATƏT-in Minsk qrupunun fəaliyyəti Qarabağ münaqişəsinin həllinə deyil, onun dərinləşməsinə xidmət edib. APA Ermənistan KİV-ə istinadən xəbər verir ki, bunu Ermənistanın Baş naziri Nikol Paşinyan bi..
“Nar” və “YAŞAT” Fondu “Bilik günü” münasibətilə şəhid övladlarını təbrik edib15 sentyabr – Bilik günü ərəfəsində "Nar” sosial tərəfdaşlıq çərçivəsində "YAŞAT” Fondunun təşkil etdiyi ənənəvi "Məktəbli ləvazimatları” layihəsinə qoşulub. Artıq beşinci dəfə gerçəkləşən bu təşəb..
Emin Ağalarovun Moskvadakı restoranları bağlandıMoskvadakı "Aviapark” ticarət mərkəzindəki azərbaycanlı iş adamı Emin Ağalarova məxsus "Forte Bello”, "Zafferano” və "Edoko” restoranları bağlanıb. APA-nın Moskva bürosu xəbər verir ki, yerli Teleg..
Elman Nəsirovu İşçi Qrupuna salmadılar - Narazılıq etdiDeputat Elman Nəsirov Azərbaycan-Amerika Birləşmiş Ştatları parlamentlərarası əlaqələr üzrə işçi qrupuna salınmamağı ilə bağlı narazılıq edib. "Qafqazinfo” xəbər verir ki, deputat bu məsələyə Beynə..
Pakistanlı MBA tələbələri “Ulduz” şokolad fabrikində istehsalat turunda iştirak ediblərPakistanın Milli Elm və Texnologiya Universitetinin "Executive MBA" proqramı üzrə təhsil alan 27 tələbə və bir professorundan ibarət nümayəndə heyəti Veysəloğlu Şirkətlər Qrupuna daxil olan "Ulduz” şo..
Polşa hava limanlarını bağlayıb, ordu döyüş hazırlığı vəziyyətinə gətirilibSentyabrın 10-na keçən gecə Rusiyanın Ukraynaya kütləvi hücumu zamanı Polşa planlaşdırılmamış hərbi fəaliyyətə görə "Jeşuv-Yasenka", "Lyublin" beynəlxalq hava limanlarını və Varşavanın hər iki hava li..
İftixar Piriyev İrəvan Teatrının direktoru vəzifəsindən azad olunubİftixar Piriyev İrəvan Dövlət Azərbaycan Dram Teatrının direktoru vəzifəsindən azad olunub. "Report"un əldə etdiyi məlumata görə, mədəniyyət naziri Adil Kərimli bununla bağlı müvafiq əmr imzalay..
Bir qrup müəllim deputatın direktor bacısından şikayətçidir: "Məktəb ciddi yoxlanılsın..." (FOTO)62 nömrəli məktəb-liseyin bir qrup müəllimi məktəb direktorunun fəaliyyətindən İnsan Hüquqları üzrə Müvəkkilə və Təhsil nazirliyinə şikayət ünvanlayıblar. Qlobal.az elektron poçtun..

Eldar Mahmudovun kassiri - Babatov

Aprel 25

15:48 2023

Eldar Mahmudovun milli təhlükəsizlik naziri olduğu dövrdə (2004 - 2015-ci illər), nazirliyin "kassir"i kimi Kadrlar Baş İdarəsinin rəis müavini polkovnik Tehran Babatov tanınıb.

Sonxeber.az-ın məlumatına görə, bu haqda "Yeni Müsavat" yazıb. Qəzet bildirir ki, T.Babatov tərəfindən bütün alver məsələləri, işə götürmə və MTN-in Heydər Əliyev adına Akademiyasına qəbul zamanı tələb olunan rüşvətin məbləği müəyyənləşdirilib. Məlumatda iddia edilir ki, bu məsələlər T.Babatovun şəxsən özü tərəfindən nümayişkaranə formada bildirilib.

Belə ki, ilk dəfə işə qəbul edilən, birbaşa nazirliyin özünə və ya Bakı qarnizonuna təyinat alan şəxslərdən 70 min dollar, Bakı qarnizonundan kənarda yerləşən rayon strukturlarına qəbul edilən əməkdaşlardan isə 50 min dollar rüşvət tələb edilib. Həmçinin, Akademiyaya kursant qismində qəbul üçün 150 min dollar, dinləyici kimi qəbula isə 30 min dollar rüşvət tələb edilib.

Bütün rüşvətlər Tehran Babatov tərəfindən şəxsən alınıb, rüşvət məbləğinin durmadan yüksəlməsinə də elə onun özü nəzarət edib.

Eyni zamanda, fəaliyyət göstərən əməkdaşlardan nazirliyə və Bakı qarnizonuna təyinat yerinin dəyişdirilməsinə 40 min dollar, Bakı qarnizonundan kənardakı digər rayon şöbələrinə təyinat yerinin dəyişdirilməsi üçün 15 min dollar rüşvət tələb edilirdi.

Göstərilənlərlə yanaşı, Bakı qarnizonunda yerləşən rayon idarələrinə rəis heyətinə təyin edilmək üçün 500 min dollar, Bakı qarnizonundan kənarda yerləşən şöbə və idarələrə isə 200-500 min dollar civarında (həmin rayonun varlı və ya kasıb olması baxımından) rüşvət tələb edilib. İddialara görə, əldə edilən rüşvətin 10 faizi şəxsən Tehran Babatovun özünə, 30 faizi Kadrlar Baş İdarəsinin rəisi general-mayor Əlimusa Əliyevə, 60 faizi isə nazir Eldar Mahmudova çatırmış.

Tehran Babatov, əvvəllər Dövlət Sərhəd Xidmətinin kadrlar idarəsində işləyib, yol verdiyi ciddi nöqsanlara və rüşvətxorluğa görə işdən azad edilib, lakin 2004-cü ildə Eldar Mahmudov tərəfindən MTN-ə gətirilərək Kadrlar Baş İdarəsinə şöbə rəisi vəzifəsinə təyin edilib. Bu səbəbdən, 2005-ci ildən bu yana olan bütün kadr təyinatlarında varlı ailələrin övladlarının MTN-ə kütləvi axını başlayıb, nəticədə savadsız və bacarıqsız işçilər ordusu yaranmışdı. Həmin kadrlar tərəfindən mütəmadi olaraq qanun pozuntularına, özbaşınalığa və səriştəsizliyə yol verilib, ölkə rəhbərliyindən həmin faktlar gizlədilib.

Qlobal.az