Ekspert Aisa Aslanova: "Çinə vizasız rejim tələbə axınını artıracaq" (MÜSAHİBƏ)
İyul 17
17:21
2025
Azərbaycanla Çin arasında vizasız rejim haqqında qərar təkcə turizm sahəsini deyil, təhsil sferasında da ciddi canlanmaya səbəb ola bilər. Yeni qərarın Azərbaycanlı tələbələrin Çin universitetlərinə marağını artıracağı gözlənilir. Mövzu ilə bağlı xaricdə təhsil üzrə ekspert, Aisa Aslanovanın fikirlərini öyrəndik.
— Çox ciddi təsiri olacaq. İndiyə qədər Çin universitetləri həm təhsil keyfiyyəti, həm də texnologiya baxımından maraq doğururdu. Amma viza prosesi tələbələr üçün müəyyən çətinliklər yaradırdı. İndi bu baryerin aradan qalxması ilə xüsusilə bakalavr və magistratura səviyyəsində müraciətlərin artacağını gözləyirik.
— Əlbəttə, bu potensial var. Çin təhsili son illərdə ingilisdilli proqramların artması və beynəlxalq tələbələrə təqdim etdiyi təqaüdlərlə fərqlənir. Bəzən tələbələr "Avropa bahadır, Çin isə uzaqdır” deyə tərəddüd edirdi. İndi artıq məsafə psixoloji olaraq "asan” görünəcək, çünki sənədləşmə sadələşdi. Bu isə seçimləri xeyli genişləndirəcək.
— Texnologiya, mühəndislik, kompüter elmləri və beynəlxalq ticarət üzrə proqramlar xüsusilə populyardır. Çin həm də "Bir Kəmər, Bir Yol” layihəsi çərçivəsində öz nüfuzunu genişləndirir və bu sahələrdə oxuyan tələbələr üçün gələcək əmək bazarı baxımından daha çox fürsət açılır.
— Bəli, çox müraciət olması universitetlərdə rəqabəti artıracaq. Tələbələrin seçim zamanı rəsmi akkreditasiyaya malik universitetləri seçməsi vacibdir. Bəzən sadəcə "Çin ucuzdur" prinsipi ilə qərar verilə bilər, bu isə uzunmüddətli perspektivdə düzgün seçim olmayacaq. Eləcə də tələbə vizası olmasa da, təhsil üçün qəbul və kampus daxili qaydalar eyni şəkildə sərtdir. Bunu da nəzərə almaq lazımdır.
— Çinə getmək indi daha rahatdır, bəli. Amma təhsil hədəfi olan hər kəs ilk olaraq proqramın keyfiyyətinə, universitetin beynəlxalq reytinqinə və uyğun ixtisasa fokuslanmalıdır. Vizanın olmaması seçim üçün fürsət yaradır, amma doğru seçmək hələ də tələbənin öz öhdəliyidir. Ailələr və gənclər bu yeni imkandan düzgün istifadə etməlidirlər.
Aisa xanım, Çinlə vizasız rejim tələbə axınına necə təsir edəcək?
– Yəni sizcə Çin artıq Avropa və Türkiyə qədər populyar ola bilər?
– Hansı sahələr üzrə daha çox maraq gözlənilir?
– Bu artımın həm də riskli tərəfləri varmı?
– Yekunda tələbələrə nə tövsiyə edərdiniz?
