Coşqun Cəbrayılovun COP29 söküntüsü: sökülən reklam lövhələri və “yaşıl soyqırım”
![](https://qlobal.az/photo/680x365/2024-07/1721790729_cosqun.jpg?1725752119)
İyul 24
07:11
2024
Nizami Rayon İcra Hakimiyyəti rayon ərazisində söküntülərə başlayıb.
Sahibkarlar AzToday.az-a deyiblər ki, icra hakimiyyəti söküntünü COP29-la əlaqələndirir. Guya həmin reklam lövhələri standartlara cavab vermir, yanğına həssasdır və tez alışıb-yanan materiallardır.
![](https://qlobal.az/file/pic/xeber/2024-07/1721790669_whatsapp-image-2024-07-23-at-14.32.00-768x576.jpeg)
![](https://qlobal.az/file/pic/xeber/2024-07/1721790718_whatsapp-image-2024-07-23-at-14.32.18-2-768x576.jpeg)
![](https://qlobal.az/file/pic/xeber/2024-07/1721790723_whatsapp-image-2024-07-23-at-14.32.18-3-768x576.jpeg)
![](https://qlobal.az/file/pic/xeber/2024-07/1721790665_whatsapp-image-2024-07-23-at-14.32.18-768x576.jpeg)
![](https://qlobal.az/file/pic/xeber/2024-07/1721790657_whatsapp-image-2024-07-23-at-14.32.19-768x576.jpeg)
![](https://qlobal.az/file/pic/xeber/2024-07/1721790734_whatsapp-image-2024-07-23-at-14.32.19-1-768x576.jpeg)
Qlobal.az
Rayonun "Neftçilər” metrostansiyası yaxınlığında, Rüstəm Rüstəmov küçəsində sahibkarların obyektlərinə vurulan reklam lövhələri sökülür.
Bu işin icra başçısı Coşqun Cəbrayılovun tapşırığı əsasında aparıldığı bildirilir.
Amma onlar icra hakimiyyətinin qərarına şübhə edirlər. Çünki dəmirdən olan reklam lövhələri də sökülür, yenilərinin vurulması üçünsə qeyri-leqal ödəniş tələb edilir.
"Maraqlıdır ki, bu reklam lövhələri elə icra hakimiyyətinin razılığı ilə vurulmuşdu. Əgər COP29 olmasaydı, bu məntiqlə sökülməyəcəkdi? Əgər təhlükəli materiallardırsa, bəs niyə vaxtında buna icazə verdilər? Məsələ ondadır ki, sahibkarlardan pul qoparmağa hesablanıb bu addımlar”, – məlumatda qeyd olunur.
Sahibkarlar deyirlər ki, əslində, Azərbaycan Dövlət Reklam Agentliyinin nəzarətində olan məsələlərdir və "Reklam haqqında” Qanunla tənzimlənir, amma Nizami Rayon İcra Hakimiyyəti Dövlət Agentliyinin də işinə "əl qoyub”.
Rayon sakinlərinin dediyinə görə, həmin ərazidə cavan ağaclar da kəsilib, amma Ekologiya və Təbii Sərvətlər Nazirliyinin hər hansı bir qərarı olmayıb: "Ümumiyyətlə, Nizami rayonu Bakıda ən çox yaşıl terror”un baş verdiyi rayonlardan sayılır, sanki bu rayona gələn icra başçıları ağac və yaşıllıqların qənimidir”.
AzToday.az-ın əməkdaşı məsələni dəqiqləşdirmək üçün əraziyə baş çəkib. Məlum olub ki, həmin ərazidə üç ağac kəsilib və onların üstü torpaqla suvanıb ki, gənc ağaclar olduğu hiss edilməsin.
Bundan başqa, həmin ərazidə yeni dönərxana və kafelərin də açılmasına icazə verilib.
Maraqlıdır, COP29-a hazırlaşan ölkədə ağacların kəsilməsi iqlim dəyişikliyinə töhfədirmi? Yəqin, Nizami rayon İcra Hakimiyyəti analoqu olmayan belə bir kəşfə imza atıb, ölkə rəhbərliyinin isə bundan xəbəri yoxdur.
AzToday.az məsələ ilə bağlı Nizami Rayon İcra Hakimiyyətindən münasibət öyrənə bilməyib.
Ərazidən çəkilən fotogörüntüləri təqdim edirik:
![](https://qlobal.az/file/pic/xeber/2024-07/1721790669_whatsapp-image-2024-07-23-at-14.32.00-768x576.jpeg)
![](https://qlobal.az/file/pic/xeber/2024-07/1721790718_whatsapp-image-2024-07-23-at-14.32.18-2-768x576.jpeg)
![](https://qlobal.az/file/pic/xeber/2024-07/1721790723_whatsapp-image-2024-07-23-at-14.32.18-3-768x576.jpeg)
![](https://qlobal.az/file/pic/xeber/2024-07/1721790665_whatsapp-image-2024-07-23-at-14.32.18-768x576.jpeg)
![](https://qlobal.az/file/pic/xeber/2024-07/1721790657_whatsapp-image-2024-07-23-at-14.32.19-768x576.jpeg)
![](https://qlobal.az/file/pic/xeber/2024-07/1721790734_whatsapp-image-2024-07-23-at-14.32.19-1-768x576.jpeg)
Qlobal.az