Bakı Təhsil İdarəsinin şübhəli tenderləri - Yüz minlər hara axıdılır?

SON XƏBƏR

Bakının 7 kilometrliyində evlər kütləvi satışa çıxarıldı - Ucuz qiymətə...Son vaxtlar Abşeron rayonunun mərkəzi sayılan Xırdalan şəhərində evlərin kütləvi şəkildə satışa çıxarılması müşahidə olunur. Bir neçə il öncəyə kimi Abşeronda mənzil və həyət evi satışında "liderlərdə..
Orduda komanda-qərargah təlimləri: Bölmələr ehtiyat və təyinat rayonlarına çıxarıldıMüdafiə naziri general-polkovnik Zakir Həsənovun 2024-cü il üçün təsdiq etdiyi hazırlıq planına əsasən, Azərbaycan Ordusunda keçirilən komanda-qərargah təlimləri başa çatıb. Müdafiə Nazirliyindən b..
Rusiya ilə Ukrayna arasında sülhə mane olan əsas məqamları açıqlanıb"2022-ci ildə Rusiya ilə Ukrayna arasında sülhə rəsmi Kiyevin neytrallıq prinsiplərini qəbul etməməsi mane olub”. APA xəbər verir ki, bu barədə yazı "Die Welt” nəşrində dərc edilib. Müəllifin ə..
Qəzzada müharibə başlayandan bəri qətlə yetirilən fələstinlilərin sayı açıqlandıQəzza zolağında işğalçı İsrail rejiminin hücumları nəticəsində qətlə yetirilən və yaralananların siyahısı yenilənib. Bu barədə Qəzza zolağının Səhiyyə Nazirliyi məlumat yayıb. Qeyd olun..
“Kəpəz” hospitalında əməliyyat olunan yeniyetmə öldüBakıda özəl klinikada əməliyyat olunan yeniyetmə ölüb. Lent.az xəbər verir ki, Bakı şəhər sakini, 1979-cu il təvəllüdlü Xalid Səmədov hüquq-mühafizə orqanlarına şikayət ünvanlayıb. O, şika..
Səudiyyə Ərəbistanı Həcc ziyarəti ilə bağlı dünya zəvvarlarına müraciət edibSəudiyyə Ərəbistanının Həcc və Ümrə Nazirliyi zəvvarları saxta şirkətlərə inanmamağa çağırıb. Bu barədə "Report"a Qafqaz Müsəlmanları İdarəsindən məlumat verilib. Bir sıra ölkələrdə sosial media..
Avropa Komissiyasının rəhbəri COP29-a dəvət edilibAvropa Komissiyasının rəhbəri Ursula fon der Lyayen COP29-a dəvət edilib. "Report” xəbər verir ki, bu barədə Azərbaycanın Belçika və Lüksemburqdakı səfiri, Avropa İttifaqı (Aİ) yanında Nüma..
BƏM-də Azərbaycanın Ermənistana qarşı iddiası üzrə açıq dinləmələr başa çatıbHaaqada, Beynəlxalq Ədalət Məhkəməsində (BƏM) Azərbaycanın Ermənistana qarşı qaldırdığı iddia çərçivəsində irqi ayrı-seçkiliyin bütün formalarının ləğvi haqqında beynəlxalq konvensiyanın tətbiqi ilə b..
Azərbaycan və Almaniya prezidentlərinin təkbətək görüşü başlayıbBerlində Azərbaycan Prezidenti İlham Əliyev və Almaniya Prezidenti Frank Valter-Ştaynmayer arasında təkbətək görüş başlayıb. ..
İlham Əliyev və Kansler Olaf Şoltsun Berlində geniş tərkibdə görüşü keçirilirAzərbaycan Respublikasının Prezidenti İlham Əliyevin aprelin 26-da Berlində Almaniya Federativ Respublikasının Kansleri Olaf Şolts ilə geniş tərkibdə görüşü başlayıb. Bu barədə Prezidentin Mətbuat ..

Bakı Təhsil İdarəsinin şübhəli tenderləri - Yüz minlər hara axıdılır?

İyul 18

11:05 2023

Bakı Şəhəri üzrə Təhsil İdarəsi 2023-cü ilin iyul ayının 12-də "İstehlak yönlü müxtəlif xidmətlərin satın alınması" lotu üzrə sifarişçi olduğu satınalmaya yekun vurub.

Qlobal.az xəbər verir ki, bu satınalmanın məbləği 153.128 manat, qalibi isə "Formul" (Vöen: 1307189931) Məhdud Məsuliyyətli Cəmiyyəti olub.

Bakı Şəhəri üzrə Təhsil İdarəsinin sifarişçi olduğu satınalmada qalib elan etdiyi "Formul" MMC 2021-ci ilin iyun ayının 10-da dövlət qeydiyyatına alınıb. Şirkətin hüquqi ünvanı Bakı şəhəri, Yasamal rayonu, Mustafa Sübhi, ev 202, mənzil 14 ünvanı, qanuni təmsilçisi isə Əhmədov Cəlil Mirqiyas oğludur. "Formul" MMC-nin fəaliyyət profili, müvafiq lisenziyaları barədə açıq internet resurslarında məlumata rast gəlinmir.

Bakı Şəhəri üzrə Təhsil İdarəsi 2023-cü ilin iyul ayının 12-də "İstehlak yönlü müxtəlif xidmətlərin satın alınması" lotu üzrə sifarişçi olduğu satınalmada qalib elan etdiyi "Formul" MMC heç də sifarişçi müəssisəyə yad olan təşkilat deyil. "Formul" MMC-nin qanuni təmsilçisi Əhmədov Cəlil Mirqiyas oğlunun qanuni təmsilçisi olduğu daha bir MMC Bakı Şəhəri üzrə Təhsil İdarəsinin sifarişçi olduğu satınalmada qalib elan edilib.

Belə ki, Bakı Şəhəri üzrə Təhsil İdarəsinin 2022-ci ilin sentyabr ayının 29-da "Bakı Şəhəri üzrə Təhsil İdarəsi tərəfindən keçirilən müxtəlif tədbirlərin və layihələrin satın alınması" lotu üzrə sifarişçi olduğu satınalmaya yekun vurub. 94.926 manat smetası olan bu satınalmada "MACİS CONSULTİNG" (VÖEN: 2005840331) Məhdud Məsuliyyətli Cəmiyyəti qalib elan edilib.

"MACİS CONSULTİNG" MMC 2019-cu ilin sentyabr ayının 20-də dövlət qeydiyyatına alınıb. Şirkətin hüquqi ünvanı Bakı şəhəri, Xətai rayonu, Həsən Salmani, ev 17, mənzil 17, qanuni təmsilçisi isə Əhmədov Cəlil Mirqiyas oğludur.

Bakı Şəhəri üzrə Təhsil İdarəsi müxtəlif layihələr və tədbirlər təşkil edəcək "MACİS CONSULTİNG" MMC-nin də fəaliyyət profili, müvafiq lisenziyaları, işçi qüvvəsi, maddi bazası barədə açıq internet resurslarında məlumat yoxdur.

Fəaliyyət profilləri və lisenziyaları barədə açıq internet resurslarında məlumat olmayan, qanuni təmsilçisi eyni şəxs olan "Formul" və "MACİS CONSULTİNG" MMC-lərin Bakı Şəhəri üzrə Təhsil İdarəsinin iki lot üzrə ümumilikdə 248.054 manatlıq satınalmada qalib elan edilməsi bir sıra suallara yol açır.

Qlobal.az məsələ ilə bağlı Bakı Şəhəri üzrə Təhsil İdarəsindən mövqe öyrənib. İdarənin açıqlamasında deyilir:

"Hər iki müsabiqə "Dövlət satınalmaları haqqında” Azərbaycan Respublikası qanununa uyğun olaraq Dövlət satınalmalarının vahid internet portalı vasitəsilə keçirilmişdir. Sözügedən müsabiqələrdə iştirak edən iddiaçıların təqdim etdiyi bütün qiymət təklifləri tender komissiyası tərəfindən qiymətləndirildikdən sonra "Dövlət satınalmaları haqqında” Azərbaycan Respublikası qanununun 6-cı maddəsində göstərilən tələblərə uyğun gələn və ən sərfəli təkliflə çıxış edən şirkət (şirkətlər) qalib elan olunmuşdur. Tenderin nəticələri haqqında yekun protokol tərtib edildikdən sonra protokolun surəti "Dövlət satınalmaları haqqında” Azərbaycan Respublikası Qanununun 37.5-ci maddəsinin tələbinə əsasən müvafiq dövlət qurumlarında qeydə alınmışdır. Nəzərinizə çatdırırıq ki, keçirilən müsabiqələr barədə ictimaiyyətə açıq olan məlumatlar Dövlət satınalmalarının vahid internet portalının müvafiq bölmələrində yerləşdirilmişdir. Bundan əlavə, qanunvericiliyə əsasən müxtəlif illərdə və müxtəlif müsabiqələrdə iştirak edən şirkətlərin təsisçisinin eyni şəxs olması həmin şirkətlərin müsabiqələrdə iştirakını məhdudlaşdırmır. Müraciətinizdə qeyd olunan digər iddialar da tamamilə əsassızdır. Onu da qeyd etmək lazımdır ki, keçirilən tender prosedurlarında şəffaflıq və dövlət büdcəsinə qənaət edilməsi prinsipləri, eyni zamanda qanunvericiliyin tələbləri hər zaman diqqət mərkəzində saxlanılır".