Baba Rzayevi seçkidən sonra gözləyən KRİTİK aqibət - milyonluq tenderlər, tayfa biznesi və...

SON XƏBƏR

"Nar"dan sərfəli smartfon təklifiMüştərilərinə sərfəli qiymətlər təklif edən "Nar” satış və xidmət mərkəzlərində Xiaomi və Tecno smartfonlarının ən məhşur modellərini təqdim edir. Qeyd edilən smartfonları nağd ödəniş və ya BirKart ..
Prezidentdən Mikayıl Cabbarov və Samir Şərifovla bağlı sərəncamPrezident İlham Əliyev Türk İnvestisiya Fondunun Rəhbərlər Şurasında Azərbaycanın təmsil edilməsi ilə bağlı bəzi məsələlər haqqında sərəncam imzalayıb. Sərəncama əsasən, Türk İnvestisiya Fondunu..
Bakı Sağlamlıq Mərkəzində 28 Aprel - Ümumdünya Əməyin Mühafizəsi Günü ilə bağlı tədbir keçirilibBakı Sağlamlıq Mərkəzində 28 Aprel - Ümumdünya Əməyin Mühafizəsi Günü ilə bağlı tədbir keçirilib. Bakı Sağlamlıq Mərkəzimizin İcraçı direktoru Dos. Dr. Asiman Həsənov əməyin mühafizəsi və təhlükəsi..
"Moskva Bakı ilə İrəvan arasında təmasların davam etməsini alqışlayır" - Peskov"Moskva Bakı ilə İrəvan arasında təmasların davam etməsini alqışlayır”. APA-nın TASS-a istinadən xəbərinə görə, bunu Rusiya Prezidentinin mətbuat katibi Dmitri Peskov bildirib. O deyib ki, b..
Qayana, Surinam və Ekvador liderləri COP29-a dəvət olunduQayana, Surinam və Ekvador prezidentləri COP29-a dəvət olunub. Qlobal.az xəbər verir ki, bu barədə Azərbaycanın Brazilya, Qayana, Surinam və Ekvadordakı səfiri Rəşad Novruzov "X"də paylaşım edib. ..
Bakının 7 kilometrliyində evlər kütləvi satışa çıxarıldı - Ucuz qiymətə...Son vaxtlar Abşeron rayonunun mərkəzi sayılan Xırdalan şəhərində evlərin kütləvi şəkildə satışa çıxarılması müşahidə olunur. Bir neçə il öncəyə kimi Abşeronda mənzil və həyət evi satışında "liderlərdə..
Orduda komanda-qərargah təlimləri: Bölmələr ehtiyat və təyinat rayonlarına çıxarıldıMüdafiə naziri general-polkovnik Zakir Həsənovun 2024-cü il üçün təsdiq etdiyi hazırlıq planına əsasən, Azərbaycan Ordusunda keçirilən komanda-qərargah təlimləri başa çatıb. Müdafiə Nazirliyindən b..
Rusiya ilə Ukrayna arasında sülhə mane olan əsas məqamları açıqlanıb"2022-ci ildə Rusiya ilə Ukrayna arasında sülhə rəsmi Kiyevin neytrallıq prinsiplərini qəbul etməməsi mane olub”. APA xəbər verir ki, bu barədə yazı "Die Welt” nəşrində dərc edilib. Müəllifin ə..
Qəzzada müharibə başlayandan bəri qətlə yetirilən fələstinlilərin sayı açıqlandıQəzza zolağında işğalçı İsrail rejiminin hücumları nəticəsində qətlə yetirilən və yaralananların siyahısı yenilənib. Bu barədə Qəzza zolağının Səhiyyə Nazirliyi məlumat yayıb. Qeyd olun..
“Kəpəz” hospitalında əməliyyat olunan yeniyetmə öldüBakıda özəl klinikada əməliyyat olunan yeniyetmə ölüb. Lent.az xəbər verir ki, Bakı şəhər sakini, 1979-cu il təvəllüdlü Xalid Səmədov hüquq-mühafizə orqanlarına şikayət ünvanlayıb. O, şika..

Baba Rzayevi seçkidən sonra gözləyən KRİTİK aqibət - milyonluq tenderlər, tayfa biznesi və...

Yanvar 10

11:21 2024

Baba Rzayev Azərbaycanda keçmiş AZAL şefi Cahangir Əsgərov qədər varlı, dövlətin pulları heaabına milyardlara sahiblənmiş, əslində prokurorluq tərəfindən yoxlamalar aparılarsa, korrupsiya, mənimsəmə, tender maxinasiyaları faktı ilə məsuliyyətə cəlb edilə biləcək potensial korrupsioner məmurlardan biridir.

Anaxeber.info yazır ki, mediada illərlə onun biznes kəhkəşanı, milyonluq obyektləri, qohum-əqrəbası, kürəkəni, övladlarının şirkətlərinin necə qurulması, milyonlar qazanması haqda faktlar tirajlanıb. Amma Baba Rzayev Cahangir Əsgərov kimi müdafiə olunub. Bunun səbəbi məlum olmasa da, əslində, 7 fevral seçkisindən sonra ciddi kadr dəyişiklikləri olacaqsa, biri elə Baba Rzayevin vəzifədən kənarlaşdırılması ola bilər. Çünki o da köhnə qvardiyaya aiddir, uzun illər Azərişıq ASC sədri kimi büdcəni talan edib, indi Azərenerji ASC sədri olaraq milyonlar silir. Ümumiyyətlə, Rzayev odioz fiqur olaraq görünməkdədir. Bu sektorda Etibar Pirverdiyev hansı yeyintilərə yol vermişdisə, Baba Rzayev ondan betər əməllərin sahibi oldu. Ona görə 7 fevraldan sonra növbəsini gözləyən məmurlardan biri də Rzayevdir. O da Cahangir Əsgərovun aqibətini yaşaya bilər. Çünki Azərenerji ASC sədri vəzifəsinə yeni, gənc, qismən şəffaflıq gətirəcək bir şəxs təyin olunmalıdır. Misal üçün enerji sektoruna da iqtisadiyyat naziri Mikayıl Cabbarova yaxın bir kadr təyin edilə bilər.

Sayt yazır ki, islahatçı komanda Azərişıq və Azərenerji sahələrinə öz adamlarını yerləşdirməyə hazırlaşır. Bu səbəbdən Baba Rzayev barəsində ortaya çıxan yeni sübutlar da dosye kimi toplanaraq siyasi rəhbərliyə təqdim ediləcəyi iddia olunur.

Belə ki, ötən ilin son günlərində "Azərenerji” Açıq Səhmdar Cəmiyyətinin elan etdiyi tender müsabiqəsinin (Açıq tender) qalibi məlum oldu. "Azərenerji” ASC tərəfindən müxtəlif növ elektrik mallarının satın alınması məqəsədilə keçirilən tender müsabiqəsinin qalibi "Electro Service” QSC (VÖEN – 1504224741) imiş.

"Azərenerji” müxtəlif növ elektrik mallarının satın alınması üçün "Electro Service” QSC-yə 897 min 476 manat 47 qəpik ödəyəcək. Məlumat üçün bildirək ki, "Electro Service” QSC 8 oktyabr 2018-ci il tarixində dövlət qeydiyyatına alınıb. Nizamnamə kapitalı 2 min manat olan QSC-nin hüquqi ünvanı Bakı şəhəri Nərimanov rayonu Heydər Əliyev prospekti, ev 187B-də yerləşir. "Electro Service” QSC-nin qanuni təmsilçisi Babayev Tural Əli oğludur.

Maraqlı məqamlardan biri odur ki, dövlət qurumlarının keçirdiyi milyonluq tenderlərin qalibi olan "Electro Service” QSC barəsində açıq internet resurslarda heç bir məlumat yoxdur. Şirkətin nə rəsmi saytı, nə də sosial şəbəkə hesabları var. 2018-ci ilin oktyabr ayında dövlət qeydiyyatına alınan şirkət cəmi 8-9 ay sonra "Azərişıq” ASC-nin keçirdiyi 787 min manatlıq tenderi udub. "Electro Service” QSC təkcə 2022-ci ildə 8, 2023-cü ildə isə 9 tender müsabiqəsində qalib olub.

Bu il şirkətin qalib olduğu 9 tender müsabiqəsindən 6-sı "Azərenerji” ASC və "Azərişıq” ASC tərəfindən keçirilib. Diqqət çəkən digər bir maraqlı məqam isə odur ki, "Electro Service” QSC dövlət qeydiyyatına alınan zaman şirkətin hüquqi ünvanı Nərimanov rayonu, Ziya Bünyadov, ev 2071-ci məhəllədə yerləşib. Şirkətin qanuni təmsilçisi isə Məmmədov Fuad Alxaz oğlu olub.

Qeyd edək ki, Nərimanov rayonu, Ziya Bünyadov, ev 2071-ci məhəllədə "Azərenerji” ASC-nin prezienti Balababa (Baba) Rzayevin ailə üzvlərinə məxsus şirkətlər yerləşir. Məsələn, 1 mart 2016-cı il tarixində dövlət qeydiyyatına alınan və hüquqi ünvanı Ziya Bünyadov, ev 2071-ci məhəllədə yerləşən "Zirə Aqropark” MMC-nin (VÖEN – 1503134451) qanuni təmsilçisi Baba Rzayevin kürəkəni Fərid Fərhadzadə olub.

Fərid Fərhadzadə Fövqəladə Hallar Nazirliyi yanında Kiçikhəcmli Gəmilərə Nəzarət və Sularda Xilasetmə Dövlət Xidmətinin rəisi olan general-mayor Rüfət Fərhadovun oğludur. Baba Rzayevin kürəkəni mətbuatda "Göknur Bakı Ltd” MMC-nin (VÖEN – 1500023181) müdiri kimi təqdim olunur. Bu şirkətin qanuni təmsilçisi isə Baba Rzayevin qardaşı Rahib Rzayevdir.

Bundan başqa "Zirə Aqropark” MMC-nin qeydiyyatada olduğu hüquqi ünvanda – Ziya Bünyadov, ev 2071-ci məhəllədə "GBS” QSC adlı (VÖEN-1500855231) şirkət də yerləşir. Bu şirkətə məxsus obyektlər də Zirədəki zeytun zavodu ilə eyni ərazidədir. Həmçinin "GBS” adı ilə başlayan başqa bir şirkətə – "GBS Constrasion Electro Mechanical Systems” MMC-yə (VÖEN – 1501472741 ) Baba Rzayevin digər qardaşı Emin Rzayev rəhbərlik edir. Ölkənin aparıcı şirkətlərindən biri olan "Santral Elektrik LTD” MMC-nin (VÖEN – 1500023051) yerləşdiyi ünvan kimi də Ziya Bünyadov, ev 2071-ci məhəllə göstərilib. Bu şirkətin qanuni təmsilçisi isə Baba Rzayevin qaynı Həsənov İlham Ağaməsim oğludur.

897 minlik tenderin qalibi olan "Electro Service” QSC-nin hazırki qanuni təmsilçisi Tural Babayevin kim olduğu bilinmir. Lakin açıq internet resurslarda Zirə qəsəbəsinin sakini olan Tural Babayev adlı şəxsin "Santral Elektrik LTD” MMC-də işlədiyi qeyd olunub.

Bütün bu iddialara dair qarşı tərəfi dinləməyə hazırıq.

Mənbə: Anaxeber.info

Qlobal.az