Azərbaycanlı sahibkarlar "Rusiya-Asiya biznes forumu"na dəvət olunublar
Fevral 29
10:51
2016
Noyabrın 1-dən 3-dək Moskva şəhərində "Rusiya-Asiya biznes forumu" keçiriləcək.
Azərbaycanda İxracın və İnvestisiyaların Təşviqi Fondundan (AZPROMO) AZƏRTAC-a bildiriblər ki, biznes-forum Rusiya iqtisadiyyatına xarici kapitalın cəlb edilməsi, Rusiya ilə Asiya regionu ölkələri arasında iqtisadi əlaqələrin möhkəmləndirilməsi məqsədi daşıyır.
Biznes-forumda Asiya şirkətlərinin Rusiya bazarına və rus şirkətlərinin Asiya bazarına çıxması mərhələləri, qanunvericilik bazasında dəyişikliklər, hüquqi güzəştlər, Asiya bazarına nəzarət və s. məsələlər müzakirə olunacaq.
Forumda dövlət orqanlarının nümayəndələri, siyasi xadimlər, müvafiq nazirlik və idarələrin rəhbərləri, bank və digər maliyyə institutlarının, investisiya fondlarının təmsilçiləri, MDB və Asiya ölkələrinin kiçik və orta bizneslə məşğul olan sahibkarlar və mülkiyyətçilər iştirak edəcəklər.
Azərbaycan sahibkarları da biznes-forumda iştiraka dəvət olunurlar.
Forumda iştirak etməkdə maraqlı olan sahibkarlar tədbirin təşkilatçısı olan "Biznes Texnologiya" şirkətinə müraciət edə bilərlər.
Qlobal.az
