Azərbaycan XİN İrana helikopterin axtarışı ilə bağlı yardım təklif edib
![](https://qlobal.az/photo/680x365/2024-05/1716159725_89e5e4dd-c6a9-3648-acc2-029e2e3ff08d_850.jpg?1725755557)
May 20
03:01
2024
Azərbaycanın Xarici İşlər Nazirliyi (XİN) İrana helikopterin axtarışı ilə bağlı yardım təklif edib.
"Report” xəbər verir ki, bu barədə XİN-in "X”dəki səhifəsində paylaşım edilib.
"Azərbaycan Respublikasının Prezidenti cənab İlham Əliyevin tapşırığına uyğun olaraq, lazımi texniki vasitələrlə təchiz olunmuş 40 nəfər peşəkar xilasedicidən ibarət axtarış-xilasetmə qrupunun 2 ədəd helikopterlə hər an axtarış-xilasetmə əməliyyatına qoşulmağa hazır olması dost İran İslam Respublikasının müvafiq dövlət qurumunun diqqətinə çatdırılıb”, - XİN-in paylaşımında qeyd olunur.