Aqrar Universitetdən Prezident və nazirə şikayət olundu - AÇIQLAMA
May 28
01:54
2022
Azərbaycan Dövlət Aqrar Universitetindən Prezident İlham Əliyev cənablarına və Kəndə Təsərrüfatı naziri İnam Kərimova şikayət ünvanlanıb.
Qlobal.az elektron poçtuna ünvanlanmış məktubu ixtisarla kimi təqdim edir:
"Azərbaycan Respublikasının Prezidenti cənab İLHAM ƏLİYEVƏ
Azərbaycan Respublikasının Kənd Təsərrüfatı Naziri,cənab İNAM KƏRİMOVA
Cənab Prezident, biz Sizin Azərbaycan Dövlət Aqrar Universitetinə qayğınıza və diqqətinizə daim sevinir və heyranıq. Çünki bu Universitet qədim aqrar sahə üzrə yaşı bir əsrə yaxın, qocaman təhsil ocağıdır. Biz burada təhsil almaq üçün ilk əvvəldə gələndə sevinirdik. Lakin bu gün burada nə sevindirici təhsil, nə də mənəvi dəyərlərə söykənən ziyalı tələbə-müəllim rəftarını görmədik. Belə ki, buradakı idarəetmə bizə kitablarda oxuduğumuz XX əsrin ortalarındakı kolxoz idarəetməsini xatırladır.
Dünya təhsil müəssisələrində təhsil alan tələbələrlə maraqlandıqda buradakı təhsili müasir peşə litseylərinin təhsili ilə müqayisə belə etmək olmaz. Çünki burada dərs deyən bir qrup müəllimlər, kafedra müdirləri bu deyilən yenilik və innovasiyalardan xəbərsizdir. Elə bil bunlar kolxoz bazarındakı kimi burada nəyisə satmaq üçün gəliblər. Bunlar üçün nə elm, nə təhsil, nə də peşəkar kadr hazırlığı maraqlı deyil. Burada mətbuatda dəfələrlə deyilən kimi aqrar sahə üzrə mütəxəssis yox, peşəkar rüşvətxor -alverçi gənclər yetişdirilir. Bu rüşvətin başında isə əlbəttə ki, universitetin rəhbəri, rektor durur. Onun bir amalı var, o da puldur. İmtahan sessiyasında pul, magistlərəin imtahan sessiyasında pul, magistrlərin qayıbını sayaraq imtahana buraxmaq üçün pul, köhnə kursavoyları sataraq pul. Çünki, burada olan kafedra müdirini fakt olaraq qeyd edirik ki, V sinif qədər savadı olmayan, heç bir dünyagörüşü olmayan, təhsildən, elmdən kənar olan Ayaz Həsənov kafedra müdiri seçilmək istəyir. Hansı ki, bu şəxslərin informasiya texnologiyalarından başı çıxmayır, elektron yazışmanı belə dərk edə bilmir, heç bir tədris metodiki işlə məşğul olmurlar. Əgər elekton kitabxanaya girə bilmirlərsə, elektron resurslardan istifadə etməyi bacarmırsa, adi belə məktubu göndərə bilmirlərsə Universitetdə hansı kadr hazırlığından danışmaq olar???
Biz ADAU-nun strukturuna baxanda gördük ki, Kənd təsərrüfatı texnikası kafedrası 1931-ci ildən Kənd təsərrüfatı maşınları kafedrası kimi fəaliyyətə başlamışdır. Bu kafedraya təcrübəsi, elmi, təhsili və pedaqoji fəaliyyəti ilə tanınan elmlər doktoru, professorlar və ya qabiliyyətli müəllimlər rəhbərlik etmişlər. Bu gün isə bu kafedraya orta məktəb səviyyəsində savadı olmayan saytda yerləşdirilmiş CV-dən də göründüyü kimi başqa kafedranın fənlərini tədris etmiş Aydın İsayev rəhbərlik edir. Onun CV-dən də göründüyü kimi, əvvəllər bu şəxs "Traktor və avtomobillər", "Texniki serviz müəssisələrinin layihələndirilməsi" fənlərini tədris etmişdir. Doğrudur bizə də keçən tədris ilində "Traktor və avtomobillər" fənnindən dərs deyirdi, amma heç onu da normal bilmirdi. Maraqlandıq ki, Aydın İsayev indiyənə kimi Kənd təsərrüfatı maşınları dərsi deyibmi, dedilər xeyir. O, bu kafedranın müəllimi deyil, onun dərs dediyi fənnlər indi "Yerüstü nəqliyyat vasitələri və texniki servis” kafedrasında tədris edilir.
Belə çıxır ki, "nəğmə” müəllimi "Tarix”dən dərs demək istəyir. Maraqlıdır, bu necə ola bilər? Deyirlər alverdən qazandığı pulun hesabına və Gəncə şəhər Maliyyə idarəsinin rəisinin hesabına. Axı ayıbdır. Bu gün isə Aydın İsayev Kənd təsərrüfatı maşınları fənnindən Modul-2 ni tədris edir. Bu günə kimi III kurs tələbələrinin başını qatıb dərs deməyib. İndi də hardansa test suallarını ələ keçirib, heç özü də bu testlərin cavabını bilmir, tələbələrə paylayıb,testlərin cavabları belə yoxdur, ancaq satmaq istəyir.
Aydın İsayev hətta magistr tələbələrini belə pul almaq üçün narahat edir. Bəzi müəllimlərin bal yazmaq hüququna girir. Tələbələrdən aylıq bal üçün pul alır. Onları ya bal yazmayacam, ya da aşağı bal yazacam deməklə hədələyir. Bu barədə Kənt Təsərrüfatı Nazirliyinə və rektora da məlumat bildirilmişdir. Lakin öhdəsindən belə gələ bilmirlər. Elə bil bu imtahanlar Aydın İsayevin şəxsi yarmarkasındakı obyektidir.
Bu gün Aydın İsayevin və onun özü kimi savadsız məsləhətçisinin biz bakalavr və magistr tələbələrə dərs deməyini biz özümüzə təhqir bilirik. Hətta Dövlət imtahanı adı ilə rüşvətlə seçilən kafedra müdirləri hər bir tələbədən 500 manat almağa hazırlaşıblar. Bu pul bütün buraxılış tələbələrinin hər birinə tapşırılıbdır. Burada hansı ədalətdən və kadr hazırlığından danışmaq olar. 2022/2023-cü tədris ili üçün tələbə qəbuluna biz qohum və tanışlarımızı bu kimi tanıtım əməllərləmi cəlb edəcəyik. Əlbəttə yox.
Biz Ölkə Rəhbəri kimi Hörmətli Prezidentimiz Sizdən, Kənd Təsərrüfatı Nazirimizdən xahiş edirik təcili tədbir görəsiniz, Dövlət İmtahanına nəzarəti gücləndirəsiniz, tədrisdə dərs deyən müəllimlər arasında dərsin ixtisas sahiblərinə verilməsinin təmin olunmasına tapşırıq verəsiniz.
Azərbaycan Dövlət Aqrar Universitetin Mühəndislik fakültəsinin
bir qrup bakalavr və magistr tələbələri adından
Mahir Akif oğlu Aslanov,4-cü kurs tələbəsi"
Qeyd: Universitetdən yazılanlarla bağlı mövqe bildirmədi.
Qarşı tərəf mövqeyini bildirə bilər.
***
Azərbaycan Dövlət Aqrar Universiteti xəbərə münasibət bildirib. Qlobal.az universitetin açıqlamasını təqdim edir:
"28 may 2022-ci il tarixində saytınızda paylaşılan "Aqrar Universitetdən Prezident və nazirə şikayət olundu” başlıqlı xəbərdə qeyd olunan iddiaların əsassız və
həqiqətə uyğun olmadığı tərəfimizdən araşdırılıb və diqqətinizə çatdırırıq.
həqiqətə uyğun olmadığı tərəfimizdən araşdırılıb və diqqətinizə çatdırırıq.
Bildiririk ki, məktubun tərəfindən göndərildiyi qeyd olunan ADAU tələbəsi Mahir Akif oğlu Aslanov adında ali təhsil müəssisəsində tələbə təhsil almır.
Nəzərinizə çatdırırıq ki, bu cür əsassız məlumatlar Azərbaycan Dövlət Aqrar Universitetinin işgüzar nüfuzuna kölgə salır, ictimaiyyət arasında çaşqınlıq yaradır. Azərbaycan aliminin və ölkəmizin yeganə aqrar təhsil verən ali təhsil müəssisəsinin professor-müəllim heyətinin imicini ləkələmək cəhdləri daşıyır".Qlobal.az
