AMEA-da dissertasiya mövzularının seçilməsinə diqqət artırılır
Fevral 04
10:02
2016
Fevralın 3-də Azərbaycan Milli Elmlər Akademiyasının (AMEA) rəyasət heyətində AMEA-nın Biologiya və Tibb Elmləri, Yer Elmləri və Aqrar Elmlər bölmələrində 2015-ci ildə fəlsəfə doktoru və elmlər doktoru hazırlığı üzrə doktaranturaya qəbulun nəticələri müzakirə olunub.
Akademiyadan AZƏRTAC-a bildiriblər ki, tədbirdə AMEA-nın prezidenti, akademik Akif Əlizadə dissertasiya mövzularının müasir dövrdə elmin qarşısında duran əsas vəzifə və tələblərə uyğun seçilməsinin zəruriliyini, bunun əsasında cəmiyyətdə elmi-texniki tərəqqini sürətləndirməyə əhəmiyyətli töhfə verən tədqiqatların işlənilməsinin vacibliyini vurğulayıb.
Qeyd edilib ki, hər bir namizədin öz mövzusu ilə bağlı apardığı elmi tədqiqat və araşdırmalar mühüm sosial-mədəni və iqtisadi əhəmiyyət daşımalıdır.
Sonra AMEA-nın rəhbəri doktorantların dissertasiya mövzuları ilə tanış olub.
Mövzular ətrafında fikir mübadiləsi aparılıb.
Qlobal.az
