ABŞ-ın Missuri ştatı Çini məhkəməyə verdi
Aprel 22
09:40
2020
ABŞ-ın Missuri ştatının baş prokuroru Erik Şmitt koronavirusla bağlı Çinə qarşı iddia irəli sürüldüyünü bildirib.
"Report”un məlumatına görə, bu barədə "The Hill” xəbər verir.
İddiada bildirilir ki, COVID-19 ölümə, iqtisadi sarsıntılara və insan əzablarına səbəb olaraq Birləşmiş Ştatlara və dünya dövlətlərinə bərpa olunmayan zərər vurub,.
Missuri ştatı Pekinin bu ziyanı kompensasiya etməsini, həmçinin epidemiyanın gizlədilməsinə görə Çinin rəsmi olaraq məsuliyyət daşımasını tələb edir.
Qeyd edək ki, ABŞ-da son bir gün ərzində 2 751 nəfər epidemiyanın qurbanı olub. Bununla da ölkədə epidemiyanın başlanğıcı anından ölənlərin sayı 45 minə çatıb. Birləşmiş Ştatlarda COVID-19 infeksiyasına yoluxanların sayı 820 min nəfəri ötüb.
