SON XƏBƏR
  • Gürcüstan buğda və arpa ixracına qadağa qoyubBu gündən Gürcüstandan yerli istehsal olan buğda və arpanın ixracına qadağa qoyulub. "Report”un yerli bürosu xəbər verir ki, hökumətin qərarı ilə qadağa 2023-cü ilin iyulun 1-dək qüvvədə olacaq...
  • Kəlbəcər istiqamətində mövqelərimiz atəşə tutulubİyulun 4-ü gecə saatlarında Ermənistan silahlı qüvvələrinin bölmələri dövlət sərhədinin Basarkeçər rayonunun Zərkənd yaşayış məntəqəsi istiqamətində yerləşən mövqelərindən Kəlbəcər rayonunun Dəmirçida..
  • Yaponiya Rusiyadan qaz almağa davam edəcəkYaponiyanın Rusiya qazından imtina etməsi ölkənin energetika sənayesindəki ağır vəziyyətə görə çətin olacaq. "Report” xəbər verir ki, bu barədə "Financial Times”a Yaponiyanın Mitsui O.S.K. Lines..
  • Tramp qayıdırRespublikaçılar Partiyasından olan Ağ Evin keçmiş rəhbəri Donald Tramp 2024-cü ildəki prezident seçkiləri kampaniyasına başlayacağını tezliklə elan etmək niyyətindədir. Məlumata görə, bu barədə bəy..
  • İsveçrədə Ukraynanın bərpası ilə bağlı konfrans keçiriləcəkİsveçrənin cənubundakı Luqanoda Ukrayna ilə bağlı bazar ertəsi açılacaq konfrans öncəsi hazırlıqlar gedir. Onlarla ölkənin və beynəlxalq təşkilatların rəhbərləri ölkənin müharibədən sonrakı bərpası..
  • Rusiya Xəzər dənizinə 11 milyon kütüm buraxıbRusiyada mütəxəssislər Xəzər dənizinə 11 milyondan çox kütüm balığı buraxıblar. Bu barədə "Report” "TASS”a istinadən xəbər veirr. Bildirilib ki, balıqlar Mehteb inkubasiya zavodunda yetişdirilib..
  • Çimərlik futbolu üzrə millimiz superfinala vəsiqə qazanıbÇimərlik futbolu üzrə Azərbaycan milli komandası Avropa çempionatının seçmə mərhələsində (EBSL-2022) çıxışını başa vurub. Qlobal.az AFFA-nın rəsmi saytına istinadla xəbər verir ki, seçmə mərhələ..
  • “Universal Pictures” Rusiyanı tərk edir​"Universal Pictures” kino şirkəti Rusiya ofisini bağlayacaq və ölkəni tərk edəcək. Bu barədə "Bulletin of the Film Distributor” portalına məlumat verilib. Nəşr şirkətdəki mənbəyə istinadən qe..
  • Natəvan Quliyeva Latviyada konsertlə çıxış edibAzərbaycanın Latviyadakı Səfirliyinin dəstəyi ilə Liepayadakı Müqəddəs Üçlük Kafedralında ölkəmizin istedadlı orqan ifaçısı Natəvan Quliyevanın konserti keçirilib. Natəvan Quliyeva görkəmli bəst..
  • İstanbulda meşələrə giriş qadağan edilibTürkiyənin İstanbul şəhərində baş verən yanğınlar səbəbindən meşələrə giriş qadağan edilib. "Report” xəbər verir ki, bu barədə İstanbul Valisi Ali Yerlikaya məlumat verib.   Qeyd olunub k..

Ağstafadakı biabırçı tender niyə ləğv edilmir?

May 10
11:24 2022
Ağstafa şəhər Mənzil Kommunal Təsərrüfatı Birliyi (MKTB) tender elanı yayımlanandan sonra yaranan şirkəti qalib elan etməsi sosial şəbəklələrdə geniş müzakirə mövzusuna çevrilib.

Belə ki, Ağstafa MKTB ümumilikdə 47 min manat dəyərində olan son 3 satınalma müqaviləsini həmin şirkətlə bağlayıb.

Etender.gov.az saytında dərc olunan məlumata görə, tenderlərin qalibi "Palma-Z” MMC (VÖEN – 3601462631) olub.

Tender müsabiqəsinin şərtlərinə görə "Palma-Z” MMC Ağstafa şəhər Mənzil Kommunal Təsərrüfatı Birliyinə 21 min 640 manat dəyərində nəqliyyat vasitələrinin cari təmiri üçün ehtiyat hissələri, 13 min 190 manat dəyərində elektrik mal-materialı, 12 min 958.5 manat dəyərində isə işçi ləvazimatları və mal materialın alınmasını təşkil edəcək.

Tender müsabiqəsinin qalibi olan "Palma-Z” MMC 05.04.2022-ci il tarixində dövlət qeydiyyatına alınıb. Hüquqi ünvanı Ağstafa rayonu, Qıraq Kəsəmən kəndində yerləşən MMC-nin nizamnamə kapitalı 10 manat təşkil edir. MMC-nin qanuni təmsilçisi Məmmədova İradə Bayram qızıdır.

Ağstafa şəhər Mənzil Kommunal Təsərrüfatı Birliyinə kotirovka sorğusunu MMC-nin dövlət qeydiyyatına alındığı gündən bir gün əvvəl – 04.04.2022-ci il tarixində elan edib.

Məsələ ilə bağlı məlumat əldə etmək üçün Ağstafa Şəhər İcra Hakimiyyəti ilə əlaqə saxlasaq da, məsələnin Memarlıq və Tikinti şöbəsinə aid olduğu və qeyri-iş günü olması səbəbindən şöbə rəsmilərinin suallarımızı cavablandırmasının mümkün olmadığı bildirilib. 

Mövzu ilə bağlı Bizim.Media ilə fikirlərini bölüşən iqtisadçı-ekspert Natiq Cəfərli qeyd edib ki, qanunvericiliyə görə, ümumiyyətlə, həmin şirkət tenderi uda bilməz:

"Çünki "Dövlət satınalmaları haqqında” qanunda aydın şəkildə qeyd olunub ki, tenderdə iştirak edən və qalib olan şirkətlərin həmin sahədə bəlli təcrübəsi olmalıdır. Əvvəllər qanunda 3 il təcrübənin olması qeydi var idi, lakin bir neçə il öncə o cümlə yığışdırıldı. Təcrübənin olması isə yenə də qanunda var. Yeni, hətta tenderdən sonra yaranmış şirkətin hansı təcrübəsi ola bilər?”
Natiq Cəfərlinin sözlərinə görə, bu sahədə qanunvericiliyin aşkar şəkildə pozulması görünürsə, təbii ki, tenderlərlə bağlı şəffaflığın artırılmasına ehtiyac var:

"İndiki elektron və onlayn formada bir sıra məsələrin həlli varsa, tenderlər niyə onlayn qaydada şəffaf keçirilməsin? Bir çox ölkələrdə tenderlər televiziya vasitəsilə canlı yayımlanır.

Azərbaycana bu təcrübəni gətirmək lazımdır. Tenderlər şəffaf keçirilməli, rəqabətli olmalı və bu məsələ ilə bağlı illərdir yaranan problemlər aradan qaldırılmalıdır. Həm də ona görə ki, tenderdə xərclənən pullar vergilər hesabına formalaşan dövlət büdcəsinin vəsaitidir”.

Qeyd edək ki, "Dövlət satınalmaları haqqında” Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığın, təcrübənin, texniki və maliyyə imkanların, işçi qüvvəsinin, idarəetmə səriştəsinin, etibarlılığın olması lazımdır.

Məlumat üçün bildirək ki, tenderi keçirən Ağstafa şəhər Mənzil Kommunal Təsərrüfatı Birliyi Ağstafa rayon İcra Hakimiyyətinə tabedir. Hazırda Ağstafa Rayon İcra Hakimiyyətinin başçısı isə 2020-ci ilin iyununda vəzifəyə təyin olunan Seymur Vaqif oğlu Orucovdur.

Xatırladaq ki, Ağstafa rayonunun keçmiş icra başçısı Nizaməddin Quliyev 2019-cu ilin sonunda vəzifə səlahiyyətlərindən sui-istifadə etmə ittihamı ilə Dövlət Təhlükəsizlik Xidmətinin keçirdiyi xüsusi əməliyyatla saxlanılıb. Bu ilin fevralında isə, sabiq icra başçısının 600 min manatlıq əmlakına məhkəmə qərarı ilə həbs qoyulub.

Mövzunu diqqətdə saxlayacağıq.
 
Qlobal.az



Oxşar xəbərlər

XƏBƏR LENTİ

Facebook