Yaponiyanın Azərbaycandakı səfiri diplomatik missiyasını martda başa vuracaq
Fevral 27
16:17
2017
"Mart ayında missiyam sona çatır və Yaponiyaya geri qayıdacağam".
Bunu "Report"a Yaponiyanın Azərbaycandakı səfiri Tsuquo Takahaşi deyib.
"Səfir kimi 3 il 3 ay işlədim", - deyə diplomat əlavə edib.
Səfir "Ot kökləri və insan təhlükəsizliyi" qrant yardımı proqramı çərçivəsində Azərbaycanın bir sıra regionlarına səfər edib, oralarla tanış olduğuna görə məmnunluğunu bildirib.
"Azərbaycan regionun özünəməxsus, xüsusi təbii gözəlliyi olan möhtəşəm ölkədir", - deyə T.Takahaşi vurğulayıb.
Qeyd edək ki, "Report"un bir müddət əvvəl verdiyi məlumata görə, Yaponiya Azərbaycana 60 yaşlı Teruyuki Katoreni yeni səfir təyin edib. O, buna qədər Yaponiyanın Səhiyyə, Əmək və Rifah Nazirliyində baş direktor vəzifəsində çalışıb.
