Yaponiyada atom enerjisindən tam imtina ilə bağlı debatların keçirilməsi gözlənilir
Yanvar 12
11:41
2018
Yaponiyada iki sabiq Baş nazirin təklifinə əsasən atom elektrik stansiyalarının (AES) tam istismardan çıxarılması ilə bağlı geniş müzakirələrin keçiriləcəyi gözlənilir.
AZƏRTAC NHK telekanalına istinadla xəbər verir ki, sabiq Baş nazirlər Züniçiro Koizumi və Morihiro Hosokava ölkədəki bütün AES-lərin istismarının dayandırılması və 2050-ci ildən başlayaraq bərpa olunan enerji mənbələrindən istifadə ilə bağlı planla çıxış ediblər.
Sabiq Baş nazirlər bütün siyasi partiyalara müraciətlərində müvafiq qanunvericiliyin hazırlanmasını və parlamentdə geniş müzakirələrin keçirilməsini təklif ediblər.
Məsələyə münasibət bildirən Yaponiya Nazirlər Kabinetinin baş katibi Yoşihide Suqa vurğulayıb ki, hökumətin yalnız reaktorları müvafiq yoxlamadan keçmiş AES-lərin işinin bərpası ilə əlaqədar planında dəyişiklik yoxdur.
