Xəbərdarlıq: “Yerli seriallar uşaqların psixologiyasına ölümcül zərbə vurur”
Noyabr 15
13:47
2017
"Bir
sıra yerli teleseriallardakı kəskin ailə daxili münaqişlər və psixoloji
sujetlər, xüsusi ilə zorakı hərəkətlərin əks olunduğu kadrlar kiçik yaşlı
uşaqların psixologiyasına dəhşətli şəkildə mənfi təsir göstərir. Bu, sözün əsl
mənasında onların psixologiyasını şikəst etmək dərəcəsinə çatır”.
Bu
barədə "Jurnalistlər Sülh və İnkişaf Uğrunda” İctimai Birliyinin rəhbəri Mətləb
Salahov mətbuata açıqlamasında bildirib.
Qurum rəhbəri bildirib ki, bir çox
hallarda yerli televiziyalar serial çəkilişləri zamanı kəskin ailədaxili
münaqişələrə, zorakı məqamların əks olunduğu sujetlərə həddən çox yer verirlər:
Bu isə qəbuledilməz haldır. Sanki Azərbaycan ailəsinin bu sujetlərdə
göstərildiyi kimi, ailə münaqişələrindən və nifrət faktorundan ibarət olduğu
barədə rəy yaranır. Bu isə ən çox, cəmiyyətə yenicə göz açan uşaqların
psixologiyasına ölümcül zərbə vurur, onlarda xalqımızın ailə dəyərləri barədə
yanlış təsəvvür yaradır.”
Qlobal.Az