SOCAR-ın VİTSE-PREZİDENTİ İSTİNTAQA CƏLB OLUNUB – “Gülən İşi”ndə yenilik
Yanvar 11
12:40
2017
Azərbaycan Dövlət Neft Şirkətinin vitse-prezidenti Xalik Məmmədov Baş Prokurorluğun Ağır Cinayətlərə dair İşləri Üzrə İstintaq İdarəsindən aparılan "Gülən İşi” üzrə istintaqa cəlb olunub. Bu barədə Gununsesi.info-ya Xalik Məmmədova yaxın mənbələrdən informasiya daxil olub.
Məlumatda qeyd olunur ki, SOCAR rəhbərliyində çalışan bir qrup şəxsin cəlb olunduğu istintaqda bir neçə dəfə dindirmələr olub və vitse-prezident öz vəkiliylə bu prosesdə iştirak edib. Xalik Məmmədova verilən əsas suallardan biri isə Fətullah Gülənə məxsus ali məktəbləri bitirən və onun şəbəkəsinə daxil olan şəxlərin SOCAR-da necə işə alınması ilə bağlı olub.
"Gülən İşi”nə görə Azərbaycanda açılan 162006055 nömrəli cinayət işində Xalik Məmmədovla yanaşı, başqa qurumları təmsil edən şəxslərin adı keçir.
Qeyd edək ki, Fətullah Gülənin Türkiyədə çevrliş planının ifşasından sonar qardaş ölkənin hökuməti bu şəbəkənin Azərbaycandakı dayaqlarının "vurulması” üçün rəsmi Bakı ilə işbirliyinə gedib.
Gülən şəbəkəsinə daxil olan məktəb və liseylər, habelə, bir sıra dərnəklər bağlanıb.
Qlobal.az xəbər verir ki, ölkənin ən iri oliqarxlarından sayılan Xalik Məmmədovun bu yaxınlarda yerli mətbuatda qara düyü və yerli çayın monopoliyasını əlində cəmləşdirdiyi barədə informasiyalar yayılıb.
Qeyd edək ki, "Astaraçay" MMC-nin direktoru Hətəm Məmmədob Xalik Məmmədovun qardaşıdır.
Şirkətin Bakıdakı ofisinin hal-hazırda "Ağşəhər"də- SOCAR-ın nəzdində olan mülkdə fəaliyyət göstərdiyi iddia olunur.
Qlobal.az
